Wednesday, 23 October 2024
Wednesday, 03 February 2021 05:15
කොවිෂීල්ඩ් එන්නත් මාත්‍රා ලක්ෂ 40 ක් ශ්‍රී ලංකාවට
කොවැක්ස් පහසුකම යටතේ ලෝක සෞඛ්‍ය සංවිධානය (WHO) මෙරටට කොරෝනා මර්දන එන්නත් මාත්‍රා ලක්ෂ 40 ක් ලබා දීමට තීරණය කර තිබෙනවා.
මේ යටතේ ඇස්ට්‍රො සෙනිකා කොවිෂීල්ඩ් එන්නත නොමිළේ මෙරටට ලැබෙනු ඇති බවයි ලෝක සෞඛ්‍ය සංවිධානයේ අධ්‍යක්ෂ ජනරාල්වරයාගේ ගිනිකොණදිග ආසියානු කලාපයේ නියෝජිත විශේෂඥ වෛද්‍ය පාලිත අබේකෝන් මහතා සඳහන් කළේ.
මේ මස අවසානයේ එහි පළමු එන්නත් මාත්‍රා තොගය දිවයිනට ලැබෙනු ඇති බව ද ඔහු සඳහන් කළා.
පළමු අධියරේදී සමස්ත එන්නත් ප්‍රමාණයෙන් 30% ලැබීමට නියමිතයි.
ඉතිරි තොගය අදියර කිහිපයක් යටතේ ලෝක සෞඛ්‍ය සංවිධානය විසින් මෙරටට නොමිළේ ලබා දෙනු ඇති බව විශේෂඥ වෛද්‍ය පාලිත අබේකෝන් මහතා පැවසුවා
Published in
පුවත්