1972 වර්ෂයේ ස්විඩනයේ පැවති එක්සත් ජාතීන්ගේ සම්මේලනයට ඉදිරිපත් වූ යෝජනාවක් සම්මත වීමෙන් අනතුරුව ලෝක පරිසර දින සැමරුමෙහි ආරම්භය සිදුවෙයි. එදින සිට සෑම වසරකම ජුනි මස 05 වන දින ජගත් පරිසර දිනය සමරනු ලබයි .මෙවර අප සමරනු ලබන්නේ 44 වන ජගත් පරිසර දිනයයි. ඒ “සොබා දහම හා බැඳුණු ජනතාවක්” යන කාලීන තේමාවත් සමගය.ලෝකයේ දැනට වෙසෙන බිලියන 07 ක ජනගහනයක අවශ්‍යතා ඉදිරියේ මිනිසා තව තවත් සොබා දහෙමන් ඈත් වනු ඇත.
Tuesday, 24 December 2024
පුවත් (97)
Children categories
අපරාධ පරීක්ෂණ දෙපාර්තමේන්තුව හොර ගුහාවක් බවට පත් වී ඇතැයි දේශපාලන පලිගැනීම් පිළිබඳ සොයන ජනාධිපති කොමිසමේ සභාපති හිටපු ශ්‍රේෂ්ඨාධිකරණ විනිසුරු උපාලි අබේරත්න ඊයේ (30වැනිදා) ප්රකාශ කළේය.
අපරාධ පරීක්ෂණ දෙපාර්තමේන්තුව භාරයේ තිබූ තොරතුරු සටහන් පොතක (ෆැක්ස් පණිවිඩ පිළිබඳ සටහන් තබන පොත) ඇතුළු සටහන් ‘ටිපෙක්ස්’ දමා මකා තිබීම ගැන අවධානය යොමු කරමින් සභාපති විනිසුරුවරයා එලෙස ප්රකාශ කළේය.
අපරාධ පරීක්ෂණ දෙපාර්තමේන්තුවේ නිලධාරීන්ගේ එම ක්රියා කලාපය විවේචනය කළ සභාපති විනිසුරුවරයා, මේ විදියට අපරාධ පරීක්ෂණ දෙපාර්තමේන්තුව හොර වැඩ කරන්නේ කෙසේ දැයි වගඋත්තරකාර සහකාර පොලිස් අධිකාරී බී.ඒ. තිසේරාගෙන් ප්රශ්න කර සිටියේය.
යාපනයේ විද්‍යා දැරිය ඝාතනය කිරීමේ සැකකරුවෙකු අත්අඩංගුවට නොගෙන මුදා හරින ලදැයි අසත්‍ය චෝදනා යටතේ තමන් අත්අඩංගුවට ගෙන නඩු පැවැරීම සම්බන්ධයෙන් මධ්‍යම පළාත් හිටපු ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ විසින් ගොනු කරන ලද පැමිණිල්ලක් ඊයේ (30දා) විභාගයට ගත් අවස්ථාවේ දී සභාපති විනිසුරුවරයා එලෙස අවධාරණය කළේය.
ජනාධිපති කොමිසම විසින් අදාළ පැමිණිල්ල ගැන තීරණයක් ගැනීමට පෙර ලලිත් ජයසිංහට එරෙහිව ගොනු කර තිබෙන අධි චෝදනා පත්‍රය ගැන තීරණයක් ගැනීම පිළිබඳව නීතිපතිවරයා සලකා බැලීම සුදුසු බව ද සභාපති විනිසුරුවරයා මෙහි දී අවධාරණය කළේය.
ඉෂාර රත්නකාර - අරුණ පුවත්පත
ගිනි අවි සම්බන්ධ සිද්ධියකට අදාළව අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ ජ්‍යෙෂ්ඨ පොලිස් අධිකාරී ශානි අබේසේකර CCD අත්අඩංගුවට ගත් බව පොලීසිය පවසයි.
JULY 27, 2020
කොළඹ මල් ඇති පාර කුමක්දැයි කොළඹ ගැන නොදත් අයකුගෙන් ඇසුවහොත් කියනු ඇත්තේ මල්වත්ත පාර කියාය. කොටුව ස්ටේෂම ඉදිරිපිට ඇති මල්වත්ත පාරේ නම් එක මලක් තියා පොහොට්ටුවක්වත් නැත. බේතකටවත් සොයා ගත හැක්කේ කයි කරත්තයකට හේත්තු වී මලක් උරන නාට්ටාමි කෙනකු පමණි. එහෙත් කොළඹ ස්වභාවික මල් ඇති පාරක් ඇත. ඒ ඩීන්ස් පාරයි. ඩීන්ස් පාර කියන්නේ කොළඹ ඇස් රෝහල ඉදිරිපිටින් දිවෙන මාර්ගයයි. මේ මල්කඩ පිහිටියේ හරියටම ඇස් රෝහලට මුහුණලාය.
මෙහි ඇති මල් අලෙවිසල් ගණන දුසිමකට අඩුවන්නේ එකකිනි. ලාල්, සන්ෂයින් සීලනි, විජයගිරි, ජයසිරි, ජයරත්න, නිහාල්, චමින්ද, ජයන්ත, ඕරල් සහ ආසිරි ආදී නම්වලින් ඇති මේ අලෙවි කුටි බොහොමයක වෙළෙඳ නාමයන් සමග ඇත්තේ ෆ්ලෝරා හෝ ෆ්ලොරිස්ට් යන නාමයයි.
මේ මල් අලෙවිසල් අතරින් සැරිසරද්දී මේ මල්වලින් ගන්නා ඵලප්‍රයෝජන අපට දැකගත හැකිවිය. මිනිසකුගේ ජීවිතයේ වැදගත්ම සංධිස්ථාන තුනේදීම මල් නැතිවම බැරිය. එයින් අඩුවෙන්ම මල් භාවිතා කරන්නේ බිලිඳකු උපන් විටය. අලුත උපන් බිලිඳාගේ උප්පත්තියට සුභ පැතුමක් ලෙස මල් කළඹක් තොටිල්ල අසලින් තැබීම ඉහළ තානාන්තරවල උදවිය අදටත් කරන සිරිතකි.
ඩීන්ස් පාරේ මෙම මල් අලෙවිසල්වලදී බොහෝ ඒවායේ විශාල කරන ලද මල් විලාසිතා පුවරු සවිකර තිබුණේ මඟුල් ගෙවල් සහ හෝම් කමින් සඳහා අවශ්‍ය මල් විලාසිතාවන්ය. මනමාලයාගේ කෝට් එකේ ගහන මල්, මනමාලියගේ මල් කළඹ, මනාලිය හිසේ රඳවන මල්, මල් කුමාරයා හා මල් කුමාරිය සරසන මල් ඒ අතර වෙයි. මංගල පෝරුව සරසන්නට ගන්නා මල් ඉතා විසිතුරු හා මිල අධික ඒවා වේ. සෙට්බැක් එකට ගන්නා මල් පෝරුවට ගන්නා මල්වලට වඩා ඩිංගිත්තක් මිලෙන් අඩුය. මඟුල් ගෙවල්වල අලුත්ම ට්‍රෙන්ට්එක ලෙස මේ මල් අලෙවිකරුවන් අපට පෙන්නුවේ වෙඩින් වාහනය ස්වභාවික මලෙන් සැරසීමයි. අතමිට ඇති පරිදි සමහර වාහන සරසන්නට ලක්ෂයකට අධික මුදලක් මල් වලට වැය කර ඇති අවස්ථා අප දුටුවේ එහි තිබූ ඇල්බම් එකකිනි.
මේ මල් අලෙවිසල්වල ප්රධාන වශයෙන් මල් මිලදී ගන්නා ගැනුම්කරුවන් වන්නේ ඉහළ පෙළේ තරු පහේ හෝටල්ය. කොළඹ හා තදාසන්න ඉහළ තත්ත්වයේ කාර්යාලවල පිළිගැනීමේ නිලධාරිනිය අසල තබන මල් කළඹක් කදිමට සකසා ගන්නට ඩීන්ස් පාරට ගියොත් ෂුටුස් ගා කරගත හැකි කටයුත්තකි.
කරුණාරත්න අබේසේකර එදා කිව්වේ සොම්නස- දොම්නස – පවසන ගොළු බස මල් බවය. දොම්නස ඇති වන්නේ රෝගී තත්ත්වයක් හෝ මරණයකදී. රෝගී වූ පුද්ගලයකුට සුව පතා තබන මල් කළඹ විවිධ ස්වරූපයෙන් ඇත. ඒ මල්කළඹ බොහොමයක ඇත්තේ ඕකීඩ් මල්ය.
දොම්නසේ ඉහළම තැන ගත්තේ අවමංගල්‍යයි. ඩීන්ස් පාරේ මේ මල් අලෙවිසල්වලදී අපට පෙනී ගියේ මේ පාරේ මල් අලෙවිසල් මඟුලක් මරණයක් යන දෙකටම නැතිවම බැරි බවයි. ඩීන්ස් පාරේ ඇති මල් අලෙවිසල්වලින් අප ‘මල් වඩම්‘ ගැන ඇසූ විට ඔවුන් මුහුණ ඇඹුල් කරගෙන කඩ කීපයක නම් කියා ඒවාට යන ලෙස දැන්වූයේ පිළිකුලෙනි. ඔවුන් කිව්වේ තමන් මල්වඩම් වැනි ෆියුනරල් අයිටම් නොකරන බවය.
ඩින්සි පාරට මෙම මල් රැගෙන එන්නේ බදුල්ල, බණ්ඩාරවෙල, දියතලාව සහ නුවරඑළිය වැනි පැතිවලිනි.
‘‘එහෙන් කෝච්චියේ නයිට් මේල් දානවා. නැත්නම් බස්වල රෑට පටවනවා. කොළඹට එනකොට මල් ටික උදේ තුන හතර වෙනවා. සමහර වෙලාවට ට්‍රාන්ස්පෝට් කරන කොට ඩැමේජ් වෙනවා. ඉතින් පාඩුව අපට තමයි. මොකද එහෙන් ඩැමේජ් මල් කීයටවත් පටවන්නේ නෑ. මෙතැන තියෙන සමහර මල්කඩ දාලා අවුරුදු 50කට වැඩියි.’’
මෙතැන ඇති මල් අතරින් අප සිතා සිටියේ මිලෙන් වැඩිම මල රෝස මල් යැයි කියාය. නමුත් මෙහිදී අපට දැනගන්නට ලැබුණේ බේබි ස්ප්‍රෙඩ් නමැති මල් වර්ගය මිල අධිකම මල් වර්ගය බවය. එහි එක් මලක් රු. 300කට වඩා මිලෙන් වැඩිය. රෝස මල් කිනිත්ත රුපියල් අසූවේ සිට ඇත.
මෙහි ඇති මල් වර්ග බොහෝය. ඕකීඩ්, ඩේසි, සුපර්යෙල්, බාබන්ඩේසියා, කැන්ටබේරියා, ක්‍රිෂන්ස්,සැල්මොනියා.ඇන්ටමේරියා ජර්බරා සහ ජරබරා ආදී විවිධ නම්වල මල් මේ අලෙවි කුටියෙන් කුටියට උච්චාරණය කරන අයුරු විවිධය. ලංකාවේ අයගේ නම්වලින් නම් කරන ලද මල් තිබේදැයි අප විමසූ විට අලෙවි නිලධාරීන් පැවසුවේ එවැන්නක් ඔවුන් නොදන්නා බවය.
පිටකොටුවේ රෙක්ලමේෂන් පාරේ ඇත්තේ කොළඹ කෘත්‍රිම මල් අලෙවිසල්ය. මෙහි ඇති ස්වභාවික මල් කිනිත්තක මිලත් රෙක්ලමේෂන් පාරේ කෘත්‍රිම මලක පෙනුමත් එක සමානය. එහි වෙනස හඳුනා ගත හැක්කේ අතගා බැලීමෙන් පමණි. මේ දෙකේ වෙනෙස හොඳින්ම හඳුනා ගත හැක්කේ මේ ස්වාභාවික මලින් නැගෙන සුවඳයි. කෘත්‍රිම මල් කළඹක මිල ඩීන්ස් පාරේ ස්වභාවික මල් කිනිත්තක මිලට වඩා හතර පස් ගුණයක් අඩුය.
‘‘ඔය කොච්චර ආටිෆිෂල් මල් ආවත් මේ ස්වාභාවික මල්වලට තියෙන ඉල්ලුම අඩුවෙන්නේ නෑ. ඊටත් වඩා මේ මල්වලින් හොඳම කොටස එක්ස්පෝට් කරනවා. සමහරු ආටිෆිෂල් මල් ගෙනල්ල ඒකට සමාන ස්වාභාවික මල් ටිකක් අරගෙන ගිහිල්ල දෙක කලවමේ ඩෙකරේෂන්වලට පාවිච්චි කරනවා. අතට අහුවෙන මානේ ස්වාභාවික මල් ටික ඇමිනුවහම ඇත්ත මල මොකක්ද? බොරු මල මොකක්ද කියල හොයනවා බොරු’’
මෙහි මල් අලෙවි කුටිවල ඇති මල්වලට අමතරව ඒවා ලස්සන කරන්නට යොදා ගන්නා විසිතුරු කොළ අතර කිතුල් කොළ විශේෂය. කැකිල්ලේ කොළද විසිතුරු වැඩ සඳහා යොදා ගන්නා තවත් කොළ වර්ගයකි. තරු පහේ හෝටල්වල සිටින විදේශිකයන් උදෑසනින්ම එන තැනක් නම් ඩීන්ස් පාරේ මල් අලෙවිසල් වෙතය. ඒත් දැන් විදේශිකයන් එන්නේ නැති තරම්’’ යැයි අප සමග එක් අලෙවිසල් හිමියකු පැවසීය.
මෙතරම් දුර බැහැරින් මේ මල්ගෙන එත්දී, මේ මල් කොළඹම වගා කළ නොහැකිදැයි අප එක් අලෙවිසල් හිමියකුගෙන් අසා සිටියෙමු.
‘‘ලංකාවේ විසිතුරු මල් හිටවන්න හොඳම පාරිසරික හිතකර තත්ත්වයක් තියෙන්නේ නුවරඑළිය, බදුල්ල දිස්ත්‍රික්කවල. නුවරඑළිය, වළපනේ, වැලිමඩ, බණ්ඩාරවෙල වගේ ප්‍රාදේශීය ලේකම් කොට්ඨාසවල තමයි මේ වගාවට හොඳම. මේ පැතිවල මේ ගස් හරි ගියත් ඒ ප්‍රදේශවල වගේ ලොකුවට මල් හටගන්නැති නිසා කවුරුත් මේ පැතිවල මේවා හිටවන්නේ නැහැ’’
මෙහි අලෙවිකරුවන් පවසන්නේ බදුල්ල වැනි රැකියා විරහිතයන් බොහෝ සිටින ප්‍රදේශයක මේ විසිතුරු මල් වගාවට අවශ්‍ය බීජ හා රෝපන ද්‍රව්‍ය තරුණ පරපුරට සැපයුවහොත් එය රැකියා වියුක්තියට යහපත් ලෙස බලපාන බවය. එමෙන්ම එම විසිතුරු මල් නිසි මිලකට රජය මගින් මිලදී ගෙන ආයතනයට හෝ තමන්ට ලබාදීමට වැඩපිළිවෙළක් සැකසීම රජයේ වගකීමක් බවද ඔවුන්ගේ මතයයි.
ඩීන්ස් පාරේ මල් අලෙවිසල්වල ඇති සාමාන්‍ය මල් වඩමක මිල රු. 1500ක් පමණ වේ. ඕකීඩ් මල්වඩමක් රුපියල් හාරදහසේ සිට අවශ්‍ය නම් විසිදහසටත් පැයක් තුළදී සාදවා ගන්නට හැකිය. මල්වඩම් ගැන කියනවිට මෙරට සිටි දේශපාලන චරිතයක් වූ ටිප්ටොප්ගේ කතාවක් අවසානයට එක්කරමි. සර් ජෝන් මියගිය මොහොතේ ටිප්ටොප් ඩීන්ස් පාරෙන් මල් වඩමක් ගත්තේ ගෝල්ෆේස් පාර්ලිමේන්තුවේ තිබූ සර් ජෝන් දේහයට තැබීමටය. මල්වඩම සමග ටිප්ටොප් ඩීන්ස් පාරේ හෝටලයකට ගියත්, මුදලාලි මල්වඩම හෝටලය අසලට ගෙනඑන්න නොදීමෙන් වූ පහරදීමකින් ටිප්ටොප් මරණයට පත්විය. ටිප්ටොප් ඩීන්ස් පාරෙන් ගත් මල්වඩමේ කාඩ් බෝඩ් කෑල්ලේ තිබුණේ සම තත්ත්වයේ දෙදෙනකුගේ සංවාදයකි.
‘නන්දිමිත්‍රගෙන් ලයනල්ට’ යනුවෙන් එහි සඳහන් විය.
ටිප්ටොප්ගේ නියම නම නන්දිමිත්‍රය. සර් ජෝන්ට මිතුරන් ඇමතුවේ ලයනල් කියාය. රටේ හිටපු රාජ්‍ය නායකයාත් තමන්ගේ සම තත්ත්වයට ටිප්ටොප් ඩීන්ස් පාරේ මල්වඩමකින් ගෙනආවේ එසේය.
වජිර ලියනගේ
අරුණ පුවත්පත
ඡායාරූප – රවී ජයවික්‍රම
July 28, 2020
රටේ ජනතා මුදල්වලින් රුපියල් කෝටි පහක් වැය කර එක් තක්කඩියෙකු පාර්ලිමේන්තු යවා වැඩක් නැතැයි පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි පැවැසීය.
‘‘පැෆරල්’’ සංවිධානයේ දේශීය මැතිවරණ නිරීක්ෂකයින් දැනුවත් කිරීම සඳහා පැවැති වැඩ සටහනක දී රෝහණ හෙට්ටිආරච්චි මේ අදහස් ප්රකාශ කළේය.
ජනතා නියෝජිතයෙකු ලෙස තෝරා පත් කර ගැනීමේ දී නිසි සලකා බැලීමක් සිදු වන්නේ නැහැ. බාහිර කාරණා රැසක් අනුව මාධ්‍ය චරිත හදනවා. මෙය තනිව මාධ්‍යයට, සිවිල් සංවිධාන හෝ මාර්තු 12 ව්‍යාපාරයට පමණක් සිදු කළ හැකි දෙයක් නෙමෙයි. මේක ගැන රටේ සාමාන්‍ය ජනතාව කතා කරන තැනට ගෙන ඒම සිදු විය යුතුයි.
පාර්ලිමේන්තුවේ දෙසිය විසිපස් දෙනාම එපා කියලා කිව්වත් නැවත ජනතාව එවුන් වටා පෙළ ගැසෙනවා. මන්ත්‍රීවරයා අවශ්‍ය තමන්ගෙ ළමයාව හොඳ පාසලකට දාගන්න, ගමේ පාර හදාගන්න, රස්සාවක් ඉල්ලගන්න කියලා අපේ රටේ බොහෝ දෙනා තවම හිතන්නෙ. රටේ රැකියා නැති සියලු දෙනාට රැකියා ලබා ගැනීමට වැඩපිළිවෙළක් සැකැසීම මන්ත්‍රීවරයාගේ කාර්ය භාරය කියලා කවුරුත් හිතන්නෙ නෑ. ර ෙට් සෑම දරුවෙකුටම හොඳ පාසලක් හදල දීම මන්ත්‍රීවරයාගේ වගකීම කියලා කවුරුත් හිතන්නෙ නෑ.
Lanka Lead News
28.07.2020
වර්තමානයේ සිදුවන දේශගුණික විපර්යාස සම්බන්ධයෙන් කිසියම් සාධනීය වැඩපිළිවෙළක් ක‍්‍රියාත්මක නොකළහොත් හිම වලසුන් වසර 2100 දී මොලොවින් තුරන්ව යාහැකි බව විද්‍යාඥයන් අනතුරු අඟවා තිබේ.
ගෝලීය උෂ්ණත්වය ඉහළ යෑමත් සමග මේ වන විට ආක්ටික් සාගරයේ හිම කඳු දියවන්නට පටන් ගෙන ඇති අතර මෙය ඉදිරියේදී තවදුරටත් වේගවත්ව සිදුවනු ඇතැයි විද්‍යාඥයෝ අනතුරු අඟවති.
කැනඩාවේ ඔන්ටාරියෝ විශ්වවිද්‍යාලයේ විද්‍යාඥයන් පිරිසක් පවසන්නේ හිම කඳු දියවීමත් සමග හිම වලසුන්ට යන්නට තැනක් නොමැති වන බවයි. මේ වන විටත් හිම කඳු දියවීම ලෝකයේ හිම වලසුන්ගේ ගහනය අඩු වීමට බලපා තිබේ.
විශේෂයෙන්ම මෙය හිම වලස් පැටවුන්ගේ මරණ වලට බලපා ඇත. උෂ්ණත්වය වැඩි කාලවලට වලස් මව්වරුන්ට තම පැටවුන්ට අවශ්‍ය කිරි නිපදවීමට වලස් මව්වරුන්ගේ ශරීරයේ ඇති මේදය ප‍්‍රමාණවත් නොවීම නිසා නිසි පෝෂණයක් නොලැබීමෙන් වලස් පැටවුන් මියයන බව හෙළිවී තිබේ.
කොළඹ හත කී සැණින් කාටත් මතක් වන්නේ මහා ලොකු ධනවතුන්ය. ඒත් කොළඹ හතේ සමහර ධනවතුන්ට නම් ඒ ධනවත්කමත් අද ජීවිතවල සැනසීම නැති කරන්නට සමත්ව ඇත. ඒ සැනසීම උදුරා ගනු ලබන්නේ එකී ධනවතුන්ගේ මිලියන ගණන්, බිලියන ගණන් වටිනා සමහර ඉඩකඩම්වලට ජාවාරමුන් විසින් වංචාකාරී ලෙස හොර ඔප්පු හැදීමෙනි.
බොහෝ විට මේ ධනස්කන්ධයක් පිරි පවුල්වල ඇතුළත ඇත්තේ බොහෝ දෙනෙක් නොදන්නා කතන්දරයයි. සල්ලි දේපොළ තිබුණට සමහරුන්ට දරුවන් නැත. සමහරුන්ගේ දරුවන් සිටියද ඔවුන් විදෙස් ගතවය. සමහර විට කාට හෝ මේ දේපොළ බලා කියා ගන්නැයි පවසා මුළු පවුලම විදේශයන්හි පදිංචියට ගොසිනි. වයස්ගතව මෙහෙකරුවන් ද තබාගෙන මේ නිවෙස්හි තනිව ජීවත් වෙන තවත් පිරිසකි. මේ කිසිෙවක් උසාවි පොලිසි ගාණේ යන්නට අකැමැත්තෝය. මේ බව දන්නා සංවිධානාත්මක කල්ලි උපක්‍රමශීලීව ඔප්පු තිරප්පුවල තොරතුරු හොයා ව්‍යාජ ඔප්පු සකසති. අනතුරුව ඒවායේ උරුමය හා බලෙන් පදිංචි වෙති. නැත්නම් තව කාට හෝ විකුණති. එසේත් නැත්නම් බැංකුවලින් ණය ලබා ගනිති. නිවෙස්හි හිමිකරුවන් සිටියදීම සංවිධාන්මක කල්ලි එසේ හොර ඔප්පු උරුමය හදාගෙන නිවෙස්වලට කඩා වදිති. එය සංවිධානාත්මක කල්ලි පමණක් නොව හිටපු කැබිනට් ඇමැතිවරු පවා බලෙන් ඇල්ලූ නිවෙස්වලට කඩා වැදුණු සිද්ධි විය. කොළඹ හතේ හෝර්ටන් පෙදෙසේ ඔස්ට්‍රේලියානු මහ කොමසාරිස් කාර්යාලය අසල ඇති නිවසකට හිටපු කැබිනට් ඇමැතිවරයකුගේ ස්පා පෙම්වතියක් දමා අල්ලා ඇති නිවස එවැන්නකි.
කෙසේ හෝ ජාවාරමුන් මෙසේ සංවිධානාත්මක ලෙස බලෙන් දේපොළ පැහැර ගනිද්දී සමහරෙක් නිහඬව සිටිති. සමහරෙක් නඩු කියමින් තම දේපොළ රැක ගන්නට ඔවුන් හා සටන් වදිති. අවසානයේ තම දේපොළ නිසාම ජීවිතයෙන් ඔවුනට වන්දි ගෙවන්නටත් සිදුවෙයි. කොළඹ හතේ විසූ කෝටිපතියකු වූ අසෝකා දසනායකට අත්වූයේත් ඒ ඉරණමයි.
ඔහු අසෝකා දසනායකය. ගණකාධිකාරිවරයකු වූ අසෝකා රගර් ක්‍රීඩාවෙන් නම ඉහළට ගෙනගිය අයෙකි. ඔහුගේ පියා බ්‍රිතාන්‍ය සමයේ කොළඹ ගම් මුලාදෑනියෙකි. බිරිඳ ප්‍රමිලා ඇමෙරිකාවේ විශ්වවිද්‍යාලයක මහාචාර්යවරියක වූවාය. කොළඹ හතේ මෙන්ම කොල්ලුපිටිය, නිට්ටඹුව ඇතුළුව රට පුරා වටිනාම ඉඩකඩම් හා නිවාස ඔවුනට උරුමව තිබිණි. ඒවා පාරම්පරික උරුමයන්ය.
අසෝකා හා ප්‍රමිලා දෙදෙනාට සිටි එකම පුතු අසෝක ක්‍රිස්ටෝපර් දසනායක හදිසි රිය අනතුරකින් මියැදෙන්නේ 2006දීය. ඒ ඇමරිකාවේ උසස් අධ්‍යාපනය හදාරද්දීමය. පුතුගේ මරණයත් සමග අසෝකා හා ප්‍රමිලා ඇමරිකාවට යන්නේ ඒ වියෝව දරාගත නොහැකිවය.
මේ වනවිටත් අසෝකා දිසානායකගේ මව ෆීලිස් පෙරේරා නිට්ටඹුව වලව්ව හා කොල්ලුපිටියේ වූ අංක හයේ නිවස බලා කියාගෙන ඒවායේ පදිංචිව සිටියාය. ඇගේ සැමියා ලූක් පෙරේරා බ්‍රිතාන්‍ය සමයේ නිට්ටඹුවේ ගම්මුලාදෑනියාය.
කොළඹ-නුවර ප්රධාන මාර්ගයට මුහුණලා නිට්ටඹුවේ පිහිටි අක්කර දෙසීයකට වැඩි ප්‍රමාණයක් වූ පොල්ගහආගරවත්ත තුළ පිහිටි වලව්වේ ෆීල්ස් පෙරේරා නිතර රැඳී සිටියාය. ඇයගේ දරුවන්ට හිමි ඉඩකඩම්වල වූ ඔප්පු තිරප්පු තිබුණෙත් එම වලව්වේමය. පොල්ගහආගරවත්තේ වූ අක්කර දෙසීයක් පමණ පුද්ගලික ආයතන කිහිපයකට විකුණද්දී සියලු ඔප්පු තිරප්පු අතපත ගෑවේ වත්ත බලාගත් කොන්දොස්තර වූ ධනසිරිය.
නිට්ටඹුවේ වලව්වත් සමග තවත් අක්කර 32ක් අසෝකා දසනායකට ඔප්පුවලින් උරුම වී තිබුණි. මේ ඉඩමේ අද වටිනාකම රුපියල් බිලියන 2.4කි. මේ ඉඩමට හිටි හැටියේ වත්තේ ගරාජයේ නැවතී සිටි කොන්දොස්තර අයිතිය කියාගෙන ආවේය. ඒ 2008 වසරේදී ඉඩම අසෝකාගේ මව තෑගි ඔප්පුවකින් ඔහුට දුන් බව කියමිනි.
සිදුවී ඇති දෙය ඉඩම් හිමිකරුවන්ට අනාවරණය කරගත හැකි වන්නේ ඉන්පසුවය. ෆීලිස් පෙරේරා නිට්ටඹුව වත්තෙන් අක්කර දෙසීයක් විකුණන අවස්ථාවේ වලව්වේ තිබූ ඔප්පු තිරප්පු අතගෑ කොන්දොස්තර විසින් ඔප්පු පන්නා තිබුණි. එම ඔප්පුවලට හොර ඔප්පු හදන මෙහෙයුම පසුපස සිට තිබුණේ දේශපාලන පාතාලය හා කෝටිපති ව්‍යාපාරිකයන් පිරිසකි.
එවන් ප්රශ්න මධ්‍යයේ තම ඉඩකඩම් බලාගන්නට නොහැකි වූ තැන කුරුණෑගල කටුපිටිය වත්ත විකුණන්නට අසෝකාගේ මව කටයුතු කළාය. ඒ වනවිට ප්‍රමිලාත්, අසෝකාත් ඇමරිකාවේ තාවකාලිකව පදිංචියට ගිය නිසා එම ඉඩම රුපියල් මිලියන 15කට ඇය විකුණා දැමුවාය. එම ඉඩම විකුණාගත් මුදල් කොල්ලුපිටිය, අංක 06 පිහිටි අසෝකාට අයත් නිවසට රැගෙන ආ දිනයේම රහස් පොලිසියෙන් කියා ආයුධ රැගෙන ආ කල්ලියක් කොල්ලකාගෙන ගොස් තිබුණි. මේ කටුපිටිය ඉඩම විකුණන්නට බ්‍රෝකර්වරු සොයා දී තිබුණේ නිට්ටඹුව වත්තේ කොන්දොස්තර වූ ධනසිරිය.
එම සිද්ධියෙන් සතියකට පසු අසෝකා සහ ප්‍රමිලා යුවළ ලංකාවට පැමිණෙන්නේ තම දේපොළ රැකගැනීමේ සටනටය. ඒ වනවිටත් වත්තේ කොන්දොස්තර මාර්ගයෙන් නිට්ටඹුව වලව්වේ තිබූ ඔවුන්ගේ සියලු ඉඩකඩම්වල ඔප්පු පිටපත් පිටතට ගොස් තිබුණේය.
2014 වසරේදී එක්වරම අසෝකාට අයත් කොළඹ හතේ වූ ඔස්ට්‍රේලියානු මහ කොමසාරිස් කාර්යාලයට යාබද ඉඩමට හොර ඔප්පුවකින් අයිතිය කියන්නට තවත් චරිතයක් කරලියට ආවේය. ඔහු කියන්නේ තමන් අසෝකා දසනායකගේ බිරිඳගේ පෙම්වතා බවය. ඇය තමන්ට මේ දේපොළ තෑගි ඔප්පුවකින් දුන් බවත්. තෑගි ඔප්පුවට අත්සන් කළේ ඩර්ඩන්ස් රෝහලේ රථගාලේදී තමන්ගේ ත්‍රිරෝද රථයට නැග බවත් ඔහු කියා සිටියේය.
කිලෝග්‍රෑම් 140ක් පමණ බරැති තරබාරු අයකු වූ ප්‍රමිලා දසනායකට ත්‍රිරෝද රථයකට නැග ගන්නට තබා ඇඳෙන් නැගිටගන්නවත් බැරි තරම් අසනීප වී සිටියදී තෑගි ඔප්පුවකට අත්සන් කළ බව කියමින් මතුවූ පුද්ගලයාට එරෙහිව නීති මගට බසින්නට දසනායක යුවළට සිදුවිය. 2014දී දසනායක පවුලේ අය කොළඹ හතේ නිවස තුළ සිටියදී බලහත්කාරයෙන් තිදෙනකු පැමිණ උඩුමහලේ පදිංචි වූහ. පාටි දමමින් නිවසට අරක්ගත් පිරිසේ තෑගි ඔප්පුවක් ගැන කියූ අනුරද විය.
දරුවන් මියගිය නිසා දසනායක පවුලට උරුමක්කාරයකු නොමැති බව මෙම කණ්ඩායම් සිතුවා විය හැකිය. නමුත් තම පවුලේ දේපොළ පිටස්තරයන්ට යන්නට නොදී රැක ගන්නට ඔවුන් ඒවා කෙනකුට පවරා තිබුණි. එසේ දේපොළ පැවරුවේ ඇන්ඩෲ සමරකෝන්ටය. ඔහු ගුවන් නියමුවෙකි. ඇන්ඩෲව එම පවුලේ ඥාති උරුමය වෙනුවෙන් සටන් කරන්නට මෙරටට ගෙන්වා ගත්තේ අසෝකාමය. අසෝකා දසනායකගේ පියා සහ ඇන්ඩෲගේ අත්තම්මා එකම පවුලේ සොහොයුරන්ය. ඒ අයුරින් පවුලේ උරුමය රකින්නට ඇන්ඩෲට සියලු දේපොළ අසෝකා විසින් ලිඛිතව පවරා දී ඇත්තේ රහසිගතවය. එය හොර ඔප්පු හැදූ ජාවාරමුන් නොදැන සිටි කරුණක් විය. ජාවාරමුන් අසෝකාගේ නිවසේ බලෙන් පදිංචි වූයේද ඒ බැව් නොදැනය. 2014 දී කොළඹ හතේ නිවසට පැමිණ බලෙන් පදිංචි වූ පිරිස එළවා දමන්නට විදේශයක සිටි ඇන්ඩෲ වහාම ලංකාවට ආවේය. ඔහු කුරුඳුවත්ත පොලිසියට මේ පිළිබඳව පැමිණිලි කළ පසුව උරුමය කියන්නට ආ තිදෙනා මාස තුනක් මහඋළු ගෙයි රැඳවෙන්නේ බලහත්කාරයෙන් නිවසක පදිංචි වීමේ වරදටය. මේ අතරේ දසනායක පවුලට අයත් මීරිගම, මැදිකැලේ වත්ත ඉඩම් අක්කර දාහතකට ව්‍යාජ ඔප්පුවක් සකසා බැංකුවකින් මිලියන 280ක ණයක් ගැනීමට යද්දී එයද හසුවුණේය. අනුන්ගේ ඉඩමකට හොර ඔප්පු ලියූ නීතිඥයාට අන්තිමට නවතින්නට වූයේ මහඋළු ගෙදරය.
අපරාධකරුවන්ගේ මේ සියලු ජාවාරම් කුමන්ත්‍රණ ගැනත් අසෝක දසනායකගේ ඝාතනය ගැනත් හොඳින් දන්නේ ගුවන් නියමු ඇන්ඩෲය.
‘‘අපිට කොළඹ ගෙවල් හතක් තියෙනවා. මගේ කොල්ලුපිටියේ අංක 30/2 නිවසටත් හොර ඔප්පු ගහලා. බැංකු මැනේජර් කෙනෙක් අල්ලාගෙන මිලියන පහක (ලක්ෂ පනහක) ලෝන් එකකුත් පාස් කරගෙන. හැබැයි ලෝන් එක ගත්ත මනුස්සයා සත පහක්වත් වාරික ගෙවලා තිබ්බෙ නැහැ.’’
කොල්ලුපිටියේ නිවස වෙන්දේසි කරන්නට කියා බැංකු නිලධාරීන් පැමිණි විට ඇන්ඩෲගේ පවුලේ අයට දෙලෝ රත්විය. ඒ තමන් පදිංචි නිවසට හැදූ හොර ඔප්පුවට බැංකුව ණයකුත් දී තිබූ නිසාය. මෙවර මහ මැතිවරණයටත් පෙනී සිටින එජාප පළාත් සභා මන්ත්‍රීවරයකුට මෙම හොර ඔප්පු චෝදනාව නැගුණේය. ඔහු වෙනුවට උසාවියේදී බැංකුව සමග නඩු කියන්නට සිදුවන්නේ ඇන්ඩෲ‍ග් පවුලේ අයටය. නඩුව යද්දී හොර ඔප්පුවට ණයක් දුන් බැංකු කළමනාකරුත් අතුරුදන් විය.
තම මව උසාවි ගණනේ රැගෙන යා නොහැකි නිසා බැංකුවට තමන් සතු ලක්ෂ පනහක් ගෙවා නඩුව අහවර කරගැනීමට ඇන්ඩෲගේ පවුලට සිදුවිය. තම ඉඩමට හැදූ හොර ඔප්පුවට වගකිව යුත්තන් පසෙක සිටියදී ඇන්ඩෲට බැංකුවේ වරද නිවරදි කරන්න වූයේ ඒ ලෙසින්ය.
‘‘හොර ඔප්පුවක් හදලා රෙජිස්ට්‍රාර් කරලා කාගෙන් හරි ඉඩමට ඇඩ්වාන්ස් එකක් ගන්නවා. ඊට පස්සේ අයිතිකාරයෝ බිය වද්දනවා. එක්කෝ බය කරලා අඩුවට ඉඩම ගන්නවා. අපේ නිට්ටඹුවේ ඉඩමටත් මේකමයි කරන්න ආවේ. කම්පැනිකාරයෝ ඉඩම ඉල්ලනනවා. බොරු ඔප්පු හදපු කොන්දොස්තරව එයාලා අයින් කරගන්නම්ලු. මේක එකතුවෙලා කරන මාෆියාවක්. මේ කොළඹ 07 ගෙදර මිලදී ගන්න මේ රටේ ප්‍රබල ක්‍රිකට් තරුවක් ඇවිත් තියෙනවා. ඔය හොර ඔප්පු කල්ලිය ඒ ක්‍රිකට් තරුවෙන් කෝටි එකහමාරක අත්තිකාරම් මුදලකුත් ගත් බව කියනවා.’’
එපමණක් නොව ප්‍රමිලා සහ අසෝකා දෙදෙනාම ජීවත්ව සිටි මේ කාලයේ ආර්යාවක් යැයි කියාගත් ප්‍රභූ තැනැත්තියක්ද හොර ඔප්පු කල්ලියේ තොරතුරු මත මෙය මිලට ගන්නට විත් ප්‍රමිලා ඇයට බැණ වැදී ද ඇත.
‘‘ආන්ටි ප්‍රමිලාගේ නමට තියෙන ඉඩම්වලටත් මෙයාලා මේකම කළා. ආන්ටි ප්‍රමිලා 2017දී නැතිවුණා. එයා ඊට කලින් උසාවියට ඇම්බියුලන්ස් එකකින් ගෙනිහින් ඇඳේ ඉඳන්. ස්ටේට්මන්ට් එකක් දුන්නා. ඇඳෙන් නැගිටගන්න බැරි කෙනා අනුර කියන කෙනාට තෑගි ඔප්පු දුන් කතාව බොරුවක් කියලා සාක්කියක් උසාවියට දුන්නා. හොර ඔප්පුවේ තියෙන්නේ බොරු අත්සනක් කියලත් රිපෝට් එකක් ආවා. ඒ එක්ක තමයි මේ කල්ලිය අසෝකා අංකල්ව මරන්න සැලසුම් කළේ.’’
අසෝක දසනායකගේ ඝාතන කොන්ත්‍රාත්තුව වෙනුවෙන් ඔවුන් කෝටි දෙකක් මිල නියම කර තිබුණි. ඝාතන කොන්ත්‍රාත්තුවට තෝරාගෙන තිබුණේ හමුදාවෙන් ඉවත් වූ දෙවැනි ලුතිනන්වරයෙකි. ඔහු දෙවතාවක් අසෝකාගේ අංක 06 ලිපිනයේ වූ කොල්ලුපිටියේ නිවස අසලට පැමිණ ගියේය. සේවකයන් දසදෙනකු පමණ සිටි නිසා ඔහුට ඉලක්කය අපහසු වී තිබුණි. ජාවාරමුන්ගේ බලාපොරොත්තු ඉටු නොවූ තැන බොරැල්ලේ කුඩු ගසන්නකු මේ සඳහා සහායට ගත්තේය. ඒ අනුව ඝාතනය සඳහා යාමට දිනය යොදාගෙන තිබුණේ ඉකුත් ජනවාරි 15දාය.
‘‘උදේ 6.00ට අංකල් නැගිට්ටට පස්සේ එකපාරටම වත්ත පිටිපස්සෙන් ගෙට ඇතුළු වුණු කණ්ඩායමක් සේවකයන්ගේ අතපය බැඳලා තිබුණා. එතැන ආපු තුන්දෙනාගෙන් එක්කෙනෙක් ෆෝන් එක කනේ ගහගෙනම ‘හාමු කෝ’ කියලා සේවකයන්ගෙන් අහලා තිබුණා. එතකොට අංකල් එකපාරටම එළියට ඇවිත් තියෙනවා. ඒ වෙලාවේ අංකල් ‘මෙහේ තියෙන ඔක්කොම අරන් යන්න’ කියලා ආපු අයට කිව්වලු. ආපු එක්කෙනෙක් අංකල්ට ගහන්න යද්දි අංකල් මිනිහව පොළොවේ ගහලා තිබුණා. ඒත් එක්කම තමයි උඩට වෙඩි තියලා අංකල්ට පිහියෙන් ඇනලා ගිහින් තිබුණේ. මම සිද්ධිය දැනගත්ත ගමන් දුවගෙන ඇවිත් අංකල්ව හොස්පිටල් එකට ගෙනිච්චා. එයාව ප්‍රතිකාරවලින් පස්සේ දැඩි සත්කාර ඒකකයට දැම්මේ බරපතළ නිසා.’’
එම සිද්ධියෙන් දින තුනකට පසුව අසෝකා දසනායක කොළඹ ජාතික රෝහලේදී මිය යන්නේය.
නැවත ජාවාරමුන් වැඩ පටන් ගත්තේ අසෝකා මියගොස් සතියකිනි. කොල්ලුපිටිය නගරයේ සිදුවීම වූ නිවස විකුණන්නට හොර ඔප්පු කල්ලියේ බ්‍රෝකර්වරුන්, රටේ නමගිය හාල් මෝල් හිමිකරුවකු හා හිටපු ඇමැතිවරයකුද රැගෙන ආහ. මේ වනවිට අසෝකාගේ මරණය සම්බන්ධයෙන් රහස් පොලිසියේ සහකාර පොලිස් අධිකාරි මෙරිල් රංජන් ළමාහේවා යටතේ විමර්ශන ඇරඹෙන්නේය. මාස ගණනක් තිස්සේ සාක්ෂි රැස් කරමින් ගිය රහස් පොලිසිය ඝාතනයට සම්බන්ධ කුඩ්ඩා හා හමුදා ලුතිනන්වරයා කොටු කරගත්හ. ඉන්පසු ඔවුන් මෙහෙයවූ ප්‍රබල චරිත සොයායෑමේ මෙහෙයුමක්ද ඇරඹිණි.
‘‘මට දේපොළවල අයිතිය පවරලා කියලා මේ අය දැනගෙන හිටියේ නැහැ. ඔස්ට්‍රේලියාවෙන් කෙනෙක් ඇවිත් ගෙදර ඉන්නවා කියලා හොර ඔප්පු හදපු මනුස්සයා කුරුඳුවත්ත පොලිසියටත් පැමිණිලි කරලා. පොලිසිය ඒ පැමිණිල්ලට කොළඹ 07 ගෙදරට ඇවිත් දේපොළ හිමි මගෙන් ප්රශ්න කළා. එදාට පහුවදා ඩිෆෙන්ඩර්වලින් අපේ වතු හතරටම මැර කණ්ඩායම් ආවා. ඊට පහුවදා රෑ ත්‍රීවීල් එකක් ඇවිත් අපේ කොළඹ ගෙදර කට්ටිය ඉඳිද්දීම ගේට්ටුවලට පැඩිල් ලොක් දැම්මා. මේ සියල්ල සීසීටීවී සාක්ෂිත් එක්ක තියෙනවා.’’
ඇන්ඩෲ කියන්නේ ඔහුව මේ අයුරින් නිවසින් එළවන්නට හැදුවද ඔහුත් සමග පවුලේ ඥාතීන් දස දෙනකුට මේ දේපොළ නීත්‍යනුකූල ලෙස පැවරී ඇති බවය.
තිස්ස රවින්ද්‍ර පෙරේරා
ඡායාරූප – ප්‍රදීප් දඹරගේ
පසුගිය පාස්කු ඉරිදා මෙරට කතෝලික බැතිමතුන්ගේ කලූ දිනයක් වශයෙන් සලකුණු වූ බව නිසැකය. කතෝලික දේවස්ථාන ගණනාවක්, තරු පන්තියේ සංචාරක හෝටල ඇතුළු ස්ථාන ගණනාවක මරාගෙන මැරෙන ප‍්‍රහාර ගණනාවක් සිදුවිය. මිය ගිය අහිංසක ජනතාව හා විනාශ වූ දේපොල භයානක අත්දැකීමක් බව සඳහන් කළ යුතුය. අන්තර් ජාතිකව පවතින දරුණු ත‍්‍රස්තවාදී කල්ලි මෙකී ප‍්‍රහාරය පිටුපස සිටින බව ආරක්ෂක අංශ අනාවරණය කර තිබේ. ඉකුත් දින ගණනාව තුළ ජන ජීවිතය අඩාල විය. ආරක්ෂාව සම්බන්ධයෙන් පැවැති හිඩැස් සම්බන්ධයෙන් වගකිව යුතු අංශ අතර බලවත් විවාදයක් පැවැතිණ. ඔත්තු සේවා දුර්වලවීම හා කලින් කරන ලද අනතුරු ඇඟවීම් ගණනකට නොගැනීම ප‍්‍රශ්නයකි. පාර්ලිමේන්තුවේ දී කරන ලද ප්රකාශ හා සිද්ධිය සම්බන්ධයෙන් පැවැති විවාදය අවස්ථාවේ දී මැති ඇමැතිවරු දක්වන අදහස් රට පත්ව ඇති තත්ත්වය යහපත් නොවන බව දක්වයි.
බාහිර බලවේග රටට ඇතුළු වීම
මෙරට අන්තවාදී කල්ලියක් හා එම කල්ලියට ලැබුණ උපදෙස්, පුහුණුව හා නියෝග ගැන විස්තරාත්මක තොරතුරු අනාවරණයවී තිබේ. බාහිර පාර්ශව වලට මෙරටට ඇතුළුවෙන්නට තිබුණ හිඩැස ගැන අවධානය යොමු කළ යුතුයි. 1980 දශකයේ සිට ශ‍්‍රී ලංකාව අන්තවාදී කල්ලි පෝෂණය වූ බිමක් බව අමතක කළ යුතු නැත. පළමුවෙන් සිංහල අන්තවාදය ඇති විය. එය දකුණේ ත‍්‍රස්තවාදය වශයෙන් රට තුළ විශාල පිපිරීමක් ඇති කළේය. දක්ෂ තරුණ පිරිසක් රටට අහිමි විය. අනතුරුව දෙමල අන්තවාදය ආරම්භ විය. උතුරේ අන්තවාදීහු දකුණේ සිද්ධි වලින් අත්දැකීම් ලැබ ගත් බව නිසැකය. සෑහෙන වශයෙන් අන්තර්ජාතික සහාය ලැබුණ අතර දශක තුනක් තිස්සේ උතුරේ ත‍්‍රස්තවාදය රටට ඇති කළ විනාශය අති විශාල එකකි. නිරීක්ෂණය කළ හැකි අන්දමට මෙමම සිද්ධි පිටුපස මුස්ලිම් අන්තවාදයක් තිබේ. මෙය ඉතාම සංකීර්ණ තත්ත්වයකි. ජාතිය, ආගම හා පංති වශයෙන් රට තුළ විශාල බෙදීම් තිබේ. එය නොයෙක් වර මම පෙන්වා දී ඇති කාරණයකි. දේශපාලන පක්ෂය, ඉගෙනගන්නා පාසල, ජීවත්වන ප‍්‍රදේශය වශයෙන් බෙදීම් ඇති රටක අන්තවාදී බලවේග වලට ඇතුළු වෙන්නට පහසුය. මෙම බෙදීම් වටහා ගෙන නිසි අවස්ථාවේ දී එම පලූදු පිලියම් කිරීමට පියවර ගැනීම නායකයන්ගේ වගකීමකි. අවාසනාවකට අපගේ ජාතික හෝ ආගමික නායකයන් එයට පියවර ගත්තේ නැත. තමන්ගේ ගෝත‍්‍රය එහෙම නැත්නම් නිකාය වෙත කොටුවන ස්වභාවය තුළ අනෙක් පාර්ශව වලට අසාධාරණය, අයුක්තිය, අවිශ්වාසය යන අංශ ක‍්‍රමයෙන් මෝදු විය. මෙවැනි දුර්වල සමාජ ව්‍යුහයක් පවතින විට නොයෙක් ජාති, ආගම් පදනම් කරගෙන අන්තවාදී කල්ලි බිහිවීම අපේක්ෂා කළ යුතුය. එම අවස්ථා ප‍්‍රයෝජනයට ගැනීමට ජාත්‍යන්තර බිහිසුණු කල්ලි සූදානම්ව තිබේ.
රට තුළ තිබෙන අස්ථාවර භාවය සැලකිය යුතුය. විශාල බේධ තිබෙනවා. හැම තැනම තියෙන්නේ අයාලේ ගිය බවකි. දේශපාලනය ඉතා දුෂිතය. නායකයෝ සුළු දේටත් ගැටුම් ඇති කරගනිති. මෑත කාලය තුළ තිබුණ ආණ්ඩු අසමත්ය. මත් ද්‍රව්‍ය ජාලය. මුදල් විශුද්ධිකරණය හා මිනිස් ජාවාරම් ඉහ වහා ගොස් තිබේ. බලවත් රටවල් ශ‍්‍රී ලංකාව සඳහා ඇති කරගෙන තිබෙන බල අරගලය තවත් පැත්තකි. මෙම අරගලය මගින් බලවත් රටක් අනෙක් තරගකාරී රටක් අධෛර්යය කරනු සඳහා අප රට තුළ ඇතිකරන නොසන්සුන් තත්ත්ව කිසිසේත් සුළු කොට තැකිය යුතු නැත. මෙම පසුබිම මගින් රටේ ස්වභාවය ප්රශ්න වලින් හැදුණු සැලඞ් එකක් කර තිබේ.
මෙරට රාජ්‍ය බුද්ධි සේවාවට මෙම අර්බුදය ප‍්‍රමාණවත් අන්දමට තේරුම් ගත හැකි යැයි හිතන්නට පුලූවන් කමක් නැත. අපට තිබුණ දක්ෂ බුද්ධි සේවා දේශපාලණීකරනය වී තිබේ. දක්ෂ සේවාවක් හා ඒවායේ නිලධාරීන් හොඳ සේවයක් කළේය. මෑත කාලය තුළ එය අඩපණ කර තිබේ. මෙයින් වූ හානිය මධ්‍යස්ථව සලකා බලන්න අවශ්‍යය. දේශපාලන පක්ෂ වලට බෙදා, බේධ ඇති කර දඩුවම් දෙන විට නිලධාරීන්ගේ විශ්වාසය බිඳ වැටෙන අතර බුද්ධි සේවාව ස්වාධීනව ක‍්‍රියාත්මක නොවේ. මෙම පැති එකින් එක වෙනම සාකච්ඡා කළ යුතුය. පවතින තත්ත්වය තේරුම් ගෙන තීරණ ගැනීමට එයට දූරදර්ශී නායකත්වයක් අවශ්‍යය. අනාගතයේ කවර නායකයෙකු රට පාලනය කළත්, අද තමන්ගේ කාර්යය ඉශ්ඨ කර පරාජය වී ගෙදර යෑම අභිමානයක් සේ හිතන නායකයන් රටට අවශ්‍යය.
අවස්ථා අහිමි කරගත් ජන සමාජයක්
අද පවතින මෙම තත්ත්වය ඉතා සංකීර්ණ එකකි. මෙම පසුබිමට අප සියළුම දෙනා වගකිව යුතුය. එක ලාංකිකත්වයක් නිර්මාණය කරගන්නට අසමත් වූ අප ගොඩනගාගෙන තිබෙන සමාජය ඉතාම අන්තවාදී එකකි. සුනාමි ව්‍යසනයට පසු එක රටක් එක සමාජයක් වශයෙන් ගොඩනැගෙන්නට අපට ඉඩක් තිබුණි. දේශපාලනඥයෝ එම අවස්ථාව මග හැරියේය. යුද්ධය අවසන් වූ වහා අප සියළු දෙනාට එකතු වී අලූත් යුගයක් ඇති කරන පියවර ගත හැකිව තිබුණි. එම අවස්ථාව ද ඉතා පටු ආකාරයට අත්හැර දමන ලද බව දැක්විය යුතුය. වටිනා අවස්ථා අත් හරින ලද රටක් වශයෙන් ශ‍්‍රී ලංකාව ඉතිහාසයට එකතු වී තිබේ.
දකුණේ ත‍්‍රස්තවාදය මතුවීමෙන් පසු එයට විසªමක් දුන්නේ විශාල මර්දනයකින්. තරුණයන් නගන ලද හඩ ගැන අප කල්පනා කළේ නැත. එවකට ජනාධිපතිව සිටි රණසිංහ පේ‍්‍රමදාස මහතා තරුණ අසහන කොමිසමක් පත් කර කැරැල්ලට හේතු සොයා බැලීය. එතුමාට එයට ධෛර්යයක් තිබුණ නමුත් එම කොමිසන් වාර්තාවෙන් අනාවරණය වූ දේ අවංකව ක‍්‍රියාවට නැගුවාද කියන ප‍්‍රශ්නය අපි අපෙන්ම අහන්න අවශ්‍යය. දෙමල ත‍්‍රස්තවාදයට පසු තරුණයන්ගේ හැබෑ ප‍්‍රශ්නය තේරුම් ගන්න අප උත්සාහ කර නැත. මුස්ලිම් ජාතිකයන්ට, වෙනත් ආගමිකයන්ට වන අසාධාරණ හමුවේ සමහර අවස්ථාවල සුළු පිපිරීම් සිදු විය. ඒවා ගැන ගැඹුරු අධ්‍යයනයකට ගියේ නැත. හේතුව පාලකයන්ගේ පටු ආකල්ප බව දැක්විය යුතුය. පක්ෂ දේශපාලනය ආරක්ෂා කළ අතර නායකයෝ කල්පනා කළේ බලය ගන්නා ආකාරය ගැනය. අනුන්ගේ විපත තමන්ගේ සැපතට හරවා ගත් අතර මෙම ආත්මාර්ථකාමී පාලකයන් දෙස සමාජය බලා සිටියේය. තම නායකයන් ගෝත‍්‍රික අන්දමට පක්ෂ අභිලාශ වෙනුවෙන් සටන් කරන පසුබිමක ජනතාව එක රටක් එක ජාතියක් වශයෙන් හිතන්නේ කෙසේද? මෙම ප්රශ්න සීමාව ඉක්මවා ගොස් ඇති අතර පුද්ගලයෝ මාරු කිරීමෙන්, ආණ්ඩු වෙනස් කිරීමෙන් මෙම භයානක තත්ත්වයට උත්තර හොයන්න නොහැකි තත්ත්වයක් උදා වී තිබේ. රට තුළ ආකල්ප වෙනස් කළ යුතුය. එක රටක් එක පුරවැසියන් කොට්ඨාශයක් වශයෙන් සිටිය යුතු අප හැමදෙනාටම අනන්‍යතාවය ගැන ප‍්‍රශ්නයක් තිබේ. ඒවා නිරාකරණය කරගැනීමට ඇති කරගන්නා පොදු සම්මුතිය කුමක්ද කියන කාරණය අප සාකච්ඡා කළ යුතුය. උත්තරය අප අතර ඇත. වෙන රටකින් වෙන සමාජයකින් අපට අද උද්ගත වෙලා තියෙන අවසානයක් නොපෙනෙන ඛේදවාචකයට විසදුමක් ලැබෙන්නේ නැත.
රාජ්‍ය තාන්ත‍්‍රික වශයෙන් කළ හැක්කේ කුමක්ද?
අද පවතින තත්ත්වය සලකා බලා සම්පූර්ණ ශුද්ධ කිරීමක් කළ යුතුය. පළමුවෙන් නායකයෝ එක තැනකට පැමිණීම අවශ්‍යය. පටු පක්ෂ දේශපාලනයකින් තොරව ජනාධිපති, අගමැති, විපක්ෂ නායක, අනෙක් දේශපාලන පක්ෂ සහ ජාතික හා ආගමික නායකයන් එකතු වී පරිවර්තනයක් ඇති කරන අන්දම ගැන සාකච්ඡා කළ යුතුය. වැරදි කළ පිරිස අත්අඩංගුවට ගත යුතුය. තරාතිරම නොබලා නීති ක‍්‍රියාමාර්ග ගැනීම අවශ්‍යය. නීතිමය ක‍්‍රියාමාර්ග වලට අවශ්‍ය ස්වාධීන පසුබිම රට තුළ හැදිය යුතුය. ප‍්‍රතිවාදී දේශපාලනඥයා පාලනය කිරීම බලාගෙන තීරණ ගැනීමේ පැවැත්ම වහා අවසන් කළ යුතු අතර අර්බුද නිරාකරණය උදෙසා අවශ්‍ය නම් අලූත් නීති හැදිය යුතුයි. ඇමරිකාව 2011 සැප්තැම්බර් ප‍්‍රහාරයෙන් පසු සියළු පක්ෂ නියෝජනය කරන කොමිසමක් පත් කළේය. එම කොමිසමේ නිර්දේශ අනුව අලූත් පණත් සකස් කළ අතර බුද්ධි අංශ ප‍්‍රතිසංවිධානය කරන ලදී. ආරක්ෂක අංශ නවීකරණය කළා. කොමිෂන් පත් කළ හැකි නමුත් ජනතාව මෙරට කොමිෂන් ගැන බලන්නේත් සැකයෙනි. ත‍්‍රස්තවාදයට අනුබල දෙන, ව්‍යුහ තුරන් කරන නීති හැදිය හැකියි. දඩුවම් වැඩි කළ හැකියි. නමුත් ඒවා යතාර්ථවාදීව ක‍්‍රියාවට නැගීම ගැන අවධානය යොමු කළ යුතුය.
ව්‍යවස්ථාවක් හදා, ඡන්ද ක‍්‍රමය වෙනස් කර දේශපාලනඥයන්ගේ බලය ආරක්ෂා කරන පියවර පැත්තකින් තබා සමාජය ගොඩනගන අලූත් හර පද්ධති සූදානම් කරගත යුතුව තිබේ. අන්තවාදයෙන් තොර මැද මාවතක් සොයා ගෙන හැම ජන කොටසකටම ගැලපෙන ක‍්‍රමයක් හැදිය යුතුය. මේවා පහසු නැත. සියළු පාර්ශව එකතු කරගැනීම දුෂ්කරය. විශාල කැපවීමක් අවශ්‍යයි. පීඩනයට පත්ව සිටින සියළුම දෙනා එක පියවරක් පස්සට ගෙන අලූතින් හිතන්න අවශ්‍යය. අන්තවාදය කොටු කිරීම සදහා සාමකාමී බලවේග එක්සත් විය යුතුය.
පවතින සංකීර්ණ අන්තවාදී බලවේග පරාජය කිරීම සදහා අනිවාර්යයෙන් අන්තර් ජාතික ප‍්‍රජාවගේ සහාය අවශ්‍ය කෙරේ. ඉන්දියාව මෙම ප‍්‍රහාර ගැන අනතුරු අඟවා තිබුණි. ලෝකයේ අනෙක් රටවල් වලට නවීන උපක‍්‍රම ගැන අත්දැකීම් ඇත. මෙවැනි වෙනස් කම් වලින් හැර ඡුන්දයකින් පත්වෙන වෙනත් ආණ්ඩුවකින් මේවා අලූතින් කරන්න නොහැකිය. අද පවතින ක‍්‍රමය අනුව ආණ්ඩු බලයට පත්වෙන්නේ කල්ලි බලවේගවල ගොදුරු වශයෙනි. ඉතිහාසය පුරා එම තත්ත්වය සනාථ කර ඇත. කල්ලි වල සහායෙන් බලයට එන ආණ්ඩු ජනතාවගේ ඝෝෂාව වෙනුවට සුළු පිරිසකගේ හඩට අවනත වන අතර එය හානිය පුලූල් කරයි. ස්වාධීනව ක්රියා කරන්න නොහැකි නම් ඉදිරි ඡන්දයෙන් රට පාලනය කරන්න හැකි පිරිසකට බලය දීම ජනතාවගේ කාර්යයකි. හැබෑ ජනතා නායකයන් දේශපාලන පක්ෂ වල අපේක්ෂකයන් බවට පත් විය යුතුය.
අන්තවාදී කල්ලිවල ස්වභාවය
මෑත ප‍්‍රහාරය කළ අන්තවාදී කල්ලි මධ්‍යම පැලැන්තියේ හොඳ පසුබිමක් සහිත නියෝජනයක් බව විශ්ලේෂණය කරන විට පෙනේ. මෙම භයානක කණ්ඩායමේ අරමුණ කුමක්ද? නැවත සමාජය ගොඩනගන අතරවාරයේ එම වැදගත් ප‍්‍රශ්නය නගන්නට අවශ්‍යය. රට තුළ ප්රශ්න තිබුණ අතර ඒවා සමාජ ගෝලීයකරණය සේ ගෝලීය ත‍්‍රස්තවාදයක් දක්වා ව්‍යාප්ත වුයේ කෙසේද යන කාරණය බුද්ධිමත්ව හිතන්න අවශ්‍යය. අප නොදැනුවත්වම ලෝකයේ භයානක කල්ලි වල කොටස්කරුවන් වී තිබේ. දේශ සිමා රහිත සංවිධාන වලට රට තුළ පදනමක් හදා ඇත. විනාශ වූ ගොඩනැගිලි හදනවා වගේම විනාශ වූ සිත් හදන්න අවශ්‍යය. අන්තවාදයෙන් තොර මධ්‍යස්ථ ආකල්ප රට තුළ දියුණු කළ යුතු අතර වෛරය, පලිගැනීම වැනි දරුණු ආකල්ප රට තුළ තුරන් කරන වැඩ පිලිවෙලක් අවශ්‍යය. ජාතික ආගමික නායකයන්ට වැඩ පිලිවෙලකට මුල් විය හැකිය. නමුත් රට තුළ සාධාරණ සහ යුක්ති සහගත ක‍්‍රමය හදන්නට පාලකයෝ වගබලා ගත යුතුයි. අසාධාරණයක් වෙන විට එය කියාගන්නට කෙනෙක් සිටින ජනතාවට සවන් දෙන පාලකයන් සිටිය යුතුයි.
ගෝලීය ත‍්‍රස්තවාදයට- අන්තර්ජාතික සම්බන්ධතා
ශ‍්‍රී ලංකාවට පවතින තත්වයෙන් ගැලවීම සඳහා ජාත්‍යන්තර සම්බන්ධතා ඉතාම වැදගත්ය. සෑම බලවත් රටක් සමගම ගැඹුරු සම්බන්ධතා ගොඩනගා ගත යුතු අතර ආර්ථික හා සමාජයීය සම්බන්ධතා හා සමානව ආරක්ෂක සම්බන්ධතා තරකරගැනීම සුදුසුය. ලෝකයේ බලවත් රටවල් සමග වෙන වෙනම අනන්‍ය, උපායශීලී සම්බන්ධතා තිබිය යුතු අතර පටු අරමුණු ඇතිව ඔවුන්ගේ අවශ්‍යතා සම්පූර්ණ කරන අභිලාශ පැත්තකට කර, ගැලපෙන සියුම් සම්බන්ධතා ජාල හැදිය යුතුය. වෘත්තීය නිපුණ දක්ෂ නිලධාරීහු එකතු කරගැනීම එහිලා ඉතාම වැදගත්ය.
දශක තුනක ත‍්‍රස්තවාදයට මුහුණ දුන් දක්ෂ මානව සම්පතක් රටට සිටී. මෙවැනි අර්බුදයක දී එක පුද්ගලයෙක්, එක නායකයෙක් නොඑසේනම් එක පක්ෂයක් කියන එක වැදගත් නැත. අප වසර හැත්තෑවක් වැරදි කර තිබේ. අද අත්විඳීන්නේ ඒවායේ ප‍්‍රතිඵලය. දරුවන්ට බාර දෙන්නේ මෙම විනාශය ද කියන එක අපි කල්පනා කරන්නට අවශ්‍යය. කතාවට වඩා වැඩ කිරීම වැදගත්ය. සිද්ධි අතරවාරයේ මෙරට නායකයන් දෙස් විදෙස් මාධ්‍ය වලට කතා කරන ලද ආකාරය ඉතා විහිළු සහගතය. මෙරට සිංහල, දෙමල, මුස්ලිම් සෑම දේශපාලන පක්ෂයකම නායකයන් තේරුම්ගත යුතු වැදගත් කාරණයක් තිබේ. ජනතාව එම අය තෝරා ගන්නේ රටට වැඩක් කරන්නටය. සමාජය දියුණු කර සැනසිල්ල ඇති කරන්නටය. ඉතිහාසය පුරා සෑම ත‍්‍රස්තවාදී කණ්ඩායමක්ම තම තමන්ගේ නායකයන් බිලි ගත් බව පෙන්වා දිය යුතුය. එහෙම වුණේ ඇයි. ජනතාවගේ අපේක්ෂා සාක්ෂාත් කළේ නැත. දෙමල සංවිධානයක් තමන්ගේම නායකයන් ඝාතනය කරන විට එම සමාජයේ නායකයන් හිතන්න අවශ්‍යයි. සිංහල නායකයන් ඝාතනය වන විට, මුස්ලිම් නායකයන් ඝාතනය වන විට තමන්ගේ නියෝජනය තුළ වරදක් වී ඇති බව හිතන්නට හැකි නායකයන් රටට අවශ්‍යය.
පාත්ෆයින්ඩර් පදනම හා උරුමයක උල්පත නිර්මාතෘ මිලින්ද මොරගොඩ
30/04/2019 - ලංකාදීප
ඇමරිකානු වානිජ පර්යේෂණ ආයතනයකින් නිකුත් කළ නවතම වාර්තාවක් ලෝක අවධානයට ලක් ව තිබේ. වර්තමානයේ ජුගුප්සාජනක බොහෝ කෘමි සතුන් අනාගතයේ දී රසවත් ආහාර වශයෙන් ගැනේ. වගාවට හානිකරන කෘමීන් සේ සලකා විනාශ කරන්නට රසායනික යොදවන නමුත් ඉතාම නුදුරු කාලයේ එම කෘමීන් බත් පිගානට බොවන්නට නැඹුරු වනු ඇත. එය වැලැක්විය නොහැකිය.
මුළු ලෝකයම එක නිවහනක් වෙන දවසක එහි මුළුතැන්ගෙදර වෙන ආසාවක් ඇති පුද්ගලයෙකු තායිලන්තයෙහි සිටී. ධනින් චියරොවන්ට් වන හෙතෙම එරට තනි පුද්ගලයෙකු වශයෙන් විශාලම ධනවතා බව දැක්වෙයි. තායිලන්තයේ විශාලතම පුද්ගලික ව්‍යාපාරය සේ සැලකෙන සී.පී. සමූහ ව්‍යාපාරයේ සභාපතිවරයාය.
More...
ඛනිජ තෙල් මිල වැඩි කිරීම සන්සුන් ස්වභාවයක තිබුණද එදිනෙදා ජන ජීවිතය කලත්තන්නට හේතු වී තිබේ. කාලගුණය හා බලශක්තිය අලූත් ව්‍යුහ අනුව ආර්ථිකයට බලපාන ප්රධාන මර්මස්ථාන දෙකකි. කාලගුණය පාලනය කළ නොහැකි අන්දමට බලශක්ති අංශයෙන් ද ශ‍්‍රී ලංකාවට ගැලවීමක් නැත. ලෝක වෙළඳ පොලේ බොර තෙල් මිල ගණන් ඉහළ ගොස් ඇත. රජයේ ආනයන වියදම් පාලනය කරගත නොහැකි වී තිබේ. මෙම තත්ත්වයට මුහුණ දීමට ඕනෑම ආණ්ඩුවකට සිදුවීම වැලැක්විය නොහැකි අතර උපක‍්‍රමශීලී වීම හැර අන් මගක් නැත.
2017.09.20 – ලංකාදීප
ශ‍්‍රී ලංකාව අති සුඛෝපභෝගී රටක් නොවේ. ජීවන මට්ටම උසස් තැනෙකට පත් වෙමින් සිටින රටකි. පොදු ජනතාව සිය වේල, දෙවේල පිරිමහගන්නේ අරපිරිමැස්මෙන්ය. අලූත් වාර්තා අනුව මෙරට ජනතාව අත්‍යවශ්‍ය ආහාර ද්‍රව්‍ය සඳහා දරන්නට සිදුවන වියදම කලාපයේ වෙනත් රටවලට සාපේක්ෂව ඉහළ එකකි. ජීවන මටට්ම හොඳ තැනෙකට පත්වන තෙක් රට තුළ වියදම පාලනය කරගැනීම හා තමන්ට ලැබෙන මුදල කළමණාකරණය ගැන උනන්දුවක් දැක්වීම වැදගත්ය.
කාන්තාවන්ට ඇතිවන ගැබ්ගෙල පිළිකා වැළැක්වීම සදහා හියුමන් පැපිලෝමා වෛරස එන්නත ජාතික ප්‍රතිශක්තීකරණ වැඩසටහනට හදූන්වාදීමට සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා තීරණය කර ඇත.
