Editor
ගම්පහ වාහන තදබදයට විසඳුම් සොයා බැලීමට කමිටුවක්
නගරයට පැමිණෙන වාහන නවතාලීම සඳහා ස්ථාන ප්රමාණවත් අයුරින් නොමැති නිසා පැන නැගී ඇති ගැටලුවට විසඳුම් සෙවීමේ අරමුණින් ගම්පහ නගර සභාව, පොලීසිය, වෙළෙඳ සංගමය ඇතුලු රාජ්ය ආයතන රැසක් සමඟ විශේෂ සාකච්ඡාවක් පසුගියදා ගම්පහ නගර සභා පුස්තකාල ශ්රවණාගාරයේදී පැවැත්විණි.
මෙහිදී වාහන තදබදය අවම කිරීම සඳහා ගතයුතු ක්රියාමාර්ග සම්බන්ධයෙන් සොයා බැලීම පිණිස කමිටුවක් පත් කිරීමට ද පියවර ගැනිණි.
අම්පාර දිස්ත්රික් මාධ්යවේදී වැඩමුළුව අද ඇරඹේ
රජයේ ප්රවෘත්ති දෙපාර්තමේන්තුව විසින් සංවිධානය කරනු ලබන අම්පාර දිස්ත්රික් මාධ්යවේදී වැඩමුළුව අද (10) පෙ.ව.8.30ට අම්පාර දිස්ත්රික් ලේකම් කාර්යාලීය ශ්රවණාගාරයේ දී පැවැත්වෙයි.
දුම්රිය කීපයක් කොළඹට- සවස වන විට දුම්රිය ධාවනයේ වර්ධනයක් කරගැනීමට අවධානය
මේ වනවිට දුම්රිය කීපයක් කොළඹ කොටුවට පැමිණෙමින් තිබෙන බවත් අද (10) සවස වන විට දුම්රිය ධාවනයේ වර්ධනයක් කරගැනීමට බලාපොරොත්තු වන බවත් දුම් රිය දෙපාර්තමේන්තුවේ අතිරේක දුම්රිය සමාන්යාධිකාරී ආචාර්ය විජය සමරසිංහ මහතා පැවසී ය.
යාං ජලාශ ව්යාපෘතියේ ඉදිකිරීම් අවසන් අදියරට
චීන රජයේ සහයෙන් ඉදිවන යාං ඔය ජලාශයේ ඉදිකිරීම් අවසන් වෙමින් පවතින බව අනුරාධපුර දිස්ත්රික් ලේකම් ආර්.එම්. වන්නිනායක මහතා පැවසී ය.
2017ට සාපේක්ෂව 2018 ඩෙංගු රෝගීන්ගේ අඩුවීමක්
පසුගිය 2017 වසරේ ජනවාරි මස සිට ජුලි මස දක්වා ඩෙංගු රෝගීන්ගේ වාර්තාවීම 128,077 ක් වූ අතර, 2018 වසරේ ජනවාරි මස සිට ඡුලි මස දක්වා ඩෙංගු රෝගීන්ගේ වාර්තාවීම 30,786 කි. ඒ අනුව පසුගිය 2017 වසරට සාපේක්ෂව 2018 වසරේ ඩෙංගු රෝගීන් වාර්තාවීමේ ප්රතිශතය සියයට 76 ක අඩුවීමක් පෙන්නුම් කරන බව ජාතික ඩෙංගු මර්දන වැඩසටහන පෙන්වා දෙයි.
ඉදිරි දිනවලදී සුළගේ වේගය වැඩි වෙයි
ඉදිරි දිනවලදී දිවයින හරහා සහ දිවයින අවට මුහුදු ප්රදේශවල විශේෂයෙන් දිවයිනට වයඹ සහ ගිනිකොණ දෙසින් වන මුහුදු ප්රදේශවල සුළගේ වේගය තරමක් දුරට වැඩිවීමේ හැකියාවක් පවතින බව කාලගුණ විද්යා දෙපාර්තමේන්තුව සඳහන් කරයි.
නවක වද සිද්ධීන් පැමිණිළි කිරිමට විශේෂ දුරකතන අංකයක් හා කාර්යාලයක්
විශ්වවිද්යාල හා උසස් අධ්යාපන ආයතනවල සිදු කෙරෙන නවක වදය හා අනෙකුත් ප්රචණ්ඩ ක්රියාවලට එරෙහිව පියවර ගණනාවක් ගෙන ඇති විශ්වවිද්යාල ප්රතිපාදන කොමිෂන් සභාව හා උසස් අධ්යාපන අමාත්යාංශය, නවක වදයට භාජනය වන සිසුන්ට ඒ සඳහා පැමිණිලි කිරිමට හදිසි දුරකතන අංකයක් සහ විශ්වවිද්යාල ප්රතිපාදන කොමිෂන් සභාවේ විශේෂ කාර්යාලයක් පිහිටුවා තිබේ.
විභාග මධ්යස්ථානවලට විශේෂ ආරක්ෂාවක්
අධ්යාපන පොදු සහතික පත්ර උසස් පෙළ විභාගයට අදාළ සම්බන්ධීකරණ මධ්යස්ථාන සහ ප්රාදේශීය එක්රැස් කිරීමේ මධ්යස්ථාන වෙත මෙන් ම විභාග මධ්යස්ථාන සඳහා විශේෂ පොලිස් ආරක්ෂාවක් යොදවා ඇතැයි පොලිස් මූලස්ථානය සඳහන් කරයි.
උ/පෙළ හා 5 ශිෂ්යත්ව උපකාරක පන්ති තහනම හෙට සිට
2018 අ.පො.ස. (උසස් පෙළ) විභාගයට 2018.07.31 දිව සිට සහ 5 ශ්රේණිය ශිෂ්යත්ව විභාගයට 2018.08.01 දින සිට උපකාරක පන්ති පැවැත්වීම තහනම් බව විභාග දෙපාර්තමේන්තුව සඳහන් කරයි.
ඒ අනුව උසස් පෙළ විභාගයට අදාළව 2018.07.31 දින මධ්යම රාත්රී සිට 2018.09.01 දින දක්වා සහ 5 ශ්රේණිය ශිෂ්යත්ව විභාගයට අදාළව 2018.08.01 දින මධ්යම රාත්රී 12.00 සිට විභාගය අවසන් වන දින දක්වා උපකාරක පන්ති පැවත්වීම තහනම් කිරීම් කර තිබේ.
විභාග අපේක්ෂකයන් සඳහා උපකාරක පන්ති සංවිධානය කිරීම, එම පන්ති මෙහෙයවීම, විෂයානුබද්ධ දේශන, සම්මන්ත්රණ, සම්මන්ත්රණ, වැඩමුළු පැවැත්වීම, උක්ත විභාගය සඳහා අනුමාන ප්රශ්න ඇතුළත් ප්රශ්න පත්ර මුද්රණය කිරීම, ඒවා බෙදාහැරීම, විභාග ප්රශ්න පත්රවල ප්රශ්න ලබාදෙන බවට ඒ හා සමාන ප්රශ්න ලබා දෙන බවට පෝස්ටර්, බැනර් අත්පත්රිකා, විද්යුත් හෝ මුද්රිත මාධ්ය මඟින් ප්රසිද්ධ කිරීම හෝ එවැනි දෑ ළඟ තබා ගැනීම සපුරා තහනම් වේ.
2013.06.21 දිනැති නිකුත් කරන ලද අංක 1816 ගැසට් නිවේදනය ප්රකාරව 1968 අංක 25 ප්රසිද්ධ විභාග පනතෙහි 22 වගන්තිය යටතේ මෙම නියෝගය නිකුත් කර තිබේ.
යම් අයෙක් හෝ ආයතනයක් හෝ වෙනත් පාර්ශවයක් මෙකී නියෝග නොසලකා ක්රියා කරනු ලැබුවහොත් ඒ තැනැත්තා හෝ ආයතනය හෝ එම පාර්ශවය මෙම පනත යටතේ වරදකරුවකු වේ.
කිසියම් තැනැත්තෙකු හෝ ආයතනයක් මෙම නියෝග යම් ආකාරයකින් කඩ කිරීමක් හෝ උල්ලංඝනය කිරීමක් සිදු කළහොත් ළඟම පවතින පොලිස් ස්ථානය, පොලිස් මූලස්ථානය හෝ දෙපාර්තමේන්තුව වෙත පහත දූරකතන අංකවලට පැමිණිලි කළ හැකි වේ.
පොලිස් මූලස්ථානය - 0112421111
පොලිස් හදිසි ඇමතුම් අංකය 119
ක්ෂණික ඇමතුම් අංකය (වි.දෙපා) 1911
පාසල් විභාග සංවිධාන ශාඛාව - 0112784208/0112784537
තරමක් තද සුළං-පළාත් සහ දිස්ත්රික්ක කීපයකට වැසි
බස්නාහිර, මධ්යම, සබරගමුව සහ වයඹ පළාත්වල සහ ගාල්ල සහ මාතර දිස්ත්රික්කවල වැසි හෝ ගිගුරුම් සහිත වැසි ඇති විය හැකි බව කාලගුණවිද්යා දෙපාර්තමේන්තුව නිවේදනය කරයි.