ප්‍රජනක පද්ධතියට කිසිදු සම්බන්ධයක් නොමැති, ගර්භාෂයෙන් පිටත ඉන්ද්‍රිය පොකුරක් තුළ වර්ධනය වූ කලලයක් සහිතකාන්තාවක් සාර්ථක සිසේරියන් සැත්කමක් මගින් ඊයේ (ජුනි 16) කොළඹ ද සොයිසා කාන්තා රෝහලේදී සිය දරුවා ලබා ගැනීමටසමත් වුවාය.
කොළඹ ජාතික රෝහලේ විශේෂඥ ශල්‍ය වෛද්‍ය මහාචාර්ය ඉෂාන් ද සොයිසා, ද සොයිසා කාන්තා රෝහලේ ප්‍රසව හා නාරිවේදවිශේෂඥ වෛද්‍ය මොහොමඩ් රිෂාඩ්, උපදේශක වෛද්‍ය කණිෂ්ක කරුණාරත්න, සහ නිර්වින්දන වෛද්‍ය හර්ෂන් ලිඛිතවෛද්‍යවරයා ඇතුළු පිරිසක් මෙම සැත්කම සිදු කළ විශේෂඥ ශල්‍ය වෛද්‍යවරුන් කණ්ඩායමකට ඇතුළත්.
ගැබිණි මව්වරුන් තිස් දහසකින් එක් අයෙකු මුහුණ දෙන ඉතා දුර්ලභ ආකාරයේ දරු ප්‍රසූතියකට 21 හැවිරිදි මෙම මව මුහුණ දීඇති බව වෛද්‍යවරු ප්‍රකාශ කළහ. ඇය කින්නියා ප්‍රදේශයේ පදිංචිකාරියකි.