ශ්‍රී ලංකාවේ ස්ථාපිත කර ජාත්‍යන්තර ගුවන් මෙහෙයුම් සිදුකරන ශ්‍රී ලංකන් එයාර්ලයින්ස් සහ ෆිට්ස් එයාර් තම ගුවන් සේවාවලපවතින ගුවන් නියමුවන්ගේ හිඟයට පිළියම් යෙදීම සඳහා විදේශීය ගුවන් නියමුවන් බඳවා ගැනීමට අවසර ඉල්ලා ඇත.
ශ්‍රී ලංකාවේ ගුවන් සේවා ක්ෂේත්‍රයේ ප්‍රවීණයන් සහ නියමුවන් මේ වන විට වඩා හොඳ අවස්ථා සඳහා රට හැර යමින් සිටින බවත්, ඊට හේතුව විදේශීය ගුවන් සමාගම් ඔවුන්ට ඉහළ වැටුප් ගෙවීම බවත් සිවිල් ගුවන් සේවා අධිකාරියේ අධ්‍යක්ෂ ජනරාල් පී.ඒ. ජයකාන්ත පැවසීය.
විදේශීය ගුවන් සමාගම් වැටුප් පස් හය ගුණයකින් වැඩි නිසා ගුවන් සමාගම්වලින් ශ්‍රී ලංකාවේ ගුවන් නියමුවන්ට ලොකු ඉල්ලුමක්ඇත.