කුරුණෑගල හිටපු නගරාධිපති තුෂාර සංජීව ඇතුළු සිව් දෙනෙකුට එරෙහිව කුරුණෑගල බුවනෙකබාහු රජුගේ රාජ සභා මණ්ඩපය බව කියන කුරුණෑගල පුරාවිද්‍යාත්මක වටිනාකමක් ඇති ගොඩනැගිල්ලක්.
කඩා දැමීම සම්බන්ධයෙන් නිකුත් කර තිබූ වරෙන්තු අත්හිටුවමින් අභියාචනාධිකරණය ලබාදුන් අතුරු නියෝගය ක්‍රියාත්මක කිරීම අත්හිටුවමින් ශ්‍රේෂ්ඨාධිකරණය (18) අතුරු නියෝගයක් නිකුත් කර ඇත.
2020 අගෝස්තු 25 දිනැති අභියාචනාධිකරණ නියෝගයේ නීත්‍යානුකූලභාවය අභියෝගයට ලක් කරමින් නීතිපතිවරයා විසින් ගොනු කරන ලද අභියාචනයකට අනුව විනිසුරු ප්‍රීති පද්මන් සූරසේන, විනිසුරු කුමුදුනී වික්‍රමසිංහ සහ විනිසුරු ශිරාන් ගුණරත්න යන ශ්‍රේෂ්ඨාධිකරණ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල මෙම නියෝගය කළේය.
මේ අතර කුරුණෑගල හිටපු නගරාධිපති තුෂාර සංජීව ඇතුළු පස් දෙනෙකු විසින් ගොනු කර ඇති රිට් පෙත්සම්වලට අදාළ අභියාචනාධිකරණ කටයුතු තවදුරටත් අත්හිටුවීමට ශ්‍රේෂ්ඨාධිකරණය නියෝග කර ඇත. මෙම නඩුවල අභියාචනා පෙත්සම් 2024 මාර්තු මාසය දක්වා කල් තැබිණි.
2020 අගෝස්තු 7 වන දින කුරුණෑගල නගරාධිපති තුෂාර සංජීව විතාරණ, කුරුණෑගල නාගරික කොමසාරිස් ප්‍රදීප් නිශාන්ත තිලකරත්න, නාගරික ඉංජිනේරු චමින්ද බණ්ඩාර අදිකාරි, වැඩ අධිකාරී ඉලලුදීන් සුල්ෆියා සහ ලක්ෂ්මන් යන්ත්‍ර ක්‍රියාකරු ලක්ෂ්මන් ප්‍රියන්ත යන අයට කුරුණෑගල මහේස්ත්‍රාත්වරයා විසින් වරෙන්තු නිකුත් කර තිබුණි.