පසුගිය පැය 21ක් තුළ දී දකුණු සහ සබරගමුව පළාත්වලින් ඉතා තද වැසි වාර්තා වී ඇත. රත්නපුර කාලගුණ විද්‍යා මධ්‍යස්ථානයට මි.මී 196.7ක ඉතා තද වැසි වාර්තා වී ඇත.
 
රත්නපුර, කෑගල්ල, ගාල්ල, මාතර සහ කොළඹ දිස්ත්‍රික්කවලට තද වැසි ඇතිවෙමින් පවතී.
 
බස්නාහිර, සබරගමුව, දකුණු, මධ්‍යම සහ වයඹ පළාත්වලින් විටින් විට වැසි හෝ ගිගුරුම් සහිත වැසි ඇති වේ. සමහර ස්ථානයන්ට මි.මී 150ට වැඩි ඉතා තද වැසි බලාපොරොත්තු විය හැකිය.
 
අනෙකුත් පළාත්වල විශේෂයෙන් ඌව සහ නැගෙනහිර පළාත්වල සවස් කාලයේ දී තැනින් තැන වැසි හෝ ගිගුරුම් සහිත වැසි ඇති වේ.
 
දිවයින හරහා විටින් විට හමන පැයට කිලෝ මීටර් 50ක් දක්වා වන තරමක් තද සුළං බලාපොරොත්තු විය හැක.
 
ගිගුරුම් සහිත වැසි ඇති වන විට එම ප්‍ර දේශවල තාවකාලිකව තද සුළං ඇති විය හැකිය. අකුණු මගින් සිදුවන අනතුරු අවම කරගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටී.