රුපියල් බිලියන 695 ක පරිපූරක ඇස්තමේන්තුවක්
අග්‍රාමාත්‍ය රනිල් වික්‍රමසිංහ මහතා විසින් මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍ය අමාත්‍යවරයා වශයෙන් "අයවැය ආධාර සේවා සහ හදිසි වගකීම්" යටතේ රුපියල් බිලියන 695 ක පරිපූරක ඇස්තමේන්තුවක් පාර්ලිමේන්තුවට ඉදිරිපත් කෙරිනි, එම යෝජනාව අමාත්‍ය මණ්ඩලය විසින් අනුමත කරන ලදී.
අයහපත් ආර්ථික තත්ත්වයන් හේතුවෙන් මහජනතාව මුහුණ දෙන දුෂ්කරතා හැකිතාක් දුරට අවම කිරීම සඳහා 2022 වසර ආරම්භයේදී සමෘද්ධි ප්‍රතිලාභීන්, වතු ප්‍රජාව, විශ්‍රාමිකයන් සහ රාජ්‍ය සේවකයන් සඳහා සහන පැකේජයක් රජය විසින් හඳුන්වා දී ඇති අතර අත්‍යාවශ්‍ය මහජන සේවාවන් බාධාවකින් තොරව පවත්වාගෙන යාමට අවශ්‍ය ප්‍රතිපාදන සපයා ගැනීමට අවශ්‍ය වියදම් පියවා ගැනීම සඳහා පරිපූරක ඇස්තමේන්තුවක් පාර්ලිමේන්තුවට ඉදිරිපත් කිරීමට තීරණය කර ඇත.
