Editor
Friday, 08 January 2021 15:50
2020 අ.පො.ස (උසස් පෙළ) විභාගයේ ප්‍රායෝගික පරීක්ෂණ සඳහා අයදුම්කරුවන් වෙත දැනුම් දීමයි
2020 අ.පො.ස (උසස් පෙළ) විභාගයේ ප්‍රායෝගික පරීක්ෂණ සඳහා අයදුම්කරුවන් වෙත දැනුම් දීමයි
Published in
නව පුවත්
Tagged under
Thursday, 07 January 2021 16:28
ඡන්ද හිමියකු ලෙස 2020 ඡන්ද නාම ලේඛනයේ ලියාපදිංචි වීම සඳහා නිර්දේශ වී ඇති තැනැත්තන්ගේ නම් මැතිවරණ කොමිෂන් සභාවේ වෙබ් අඩවියෙන්
ඡන්ද හිමියකු ලෙස 2020 ඡන්ද නාම ලේඛනයේ ලියාපදිංචි වීම සඳහා නිර්දේශ වී ඇති තැනැත්තන්ගේ නම් මැතිවරණ කොමිෂන් සභාවේ වෙබ් අඩවියෙන්
Published in
නව පුවත්
Tagged under
Thursday, 07 January 2021 04:59
ඉංග්‍රීසියෙන් බණ කියා ලැබුණු දහම් පඬුරු එකතුකොට ගමේ ළමුන් ට නැණ පොවන හාමුදුරුවෝ
ඉතාම දිළිදු මට්ටමේ සිට ඉංග්‍රීසි අධ්‍යාපනය ලබා, ලොව පුරා වැඩම කරමින්, ඉංග්‍රීසියෙන් දම් දෙසා ඉන් ලැබෙන දහම් පඬුරු සමඟ රුපියල් මිලියන තිහක් එකතුකොට තම ගම්මානයේ වෙසෙන දුප්පත් අහිංසක දරුවන්ට ඉංග්‍රීසි හා දමිළ භාෂා, සිංහල බෞද්ධ අධ්‍යාපනය, නව තාක්ෂණය ඉගැන්වීමට මෙන්ම විවිධ දක්ෂතා ඇති පුද්ගලයන්ට අධ්‍යාපනය ලබාදීම සඳහා බහු කාර්ය ගොඩනැගිල්ලක් තැනීමේ දිගුකාලීන සිහිනය සැබෑ කරගත් බුද්ධ පුත්‍රයෙක් අනුරාධපුර දිස්ත්‍රික්කයේ පලාගල ප්‍රාදේශීය ලේකම් කොට්ඨාසයට අයත් ගල්කිරියාගම උල්පතගම ප්‍රදේශයේ වැඩ සිටිති.
ඒ, පූජ්‍යපාද අඹන්පොළ විනීත හිමියෝය.
අති දුෂ්කර ගම්මානයක විහාරස්ථානයේ වැඩ සිටියදී ද ඉංග්‍රීසි භාෂාව පිළිබඳ දැනුමෙන් ලොවට දම් දෙසා ලැබුණු දහම් පඬුරුවලින් තම ගමේ විහාර භූමියේ රුපියල් මිලියන 30ක වියදමින් ඉංග්‍රීසි දමිළ භාෂා, පරිගණක අධ්‍යාපනය නොමිලේ ලබාදීම සඳහා ඉදිකළ බහු කාර්ය දෙමහල් ගොඩනැගිල්ල ගම්මුන්ට භාරදීම පසුගියදා රටවල් පහක පමණ දූත පිරිසගේ සහභාගිත්වයෙන් සිදු කෙරිණි.
අනුරාධපුර දිස්ත්‍රික්කයේ කෙළවර පිහිටි පලාගල ප්‍රාදේශීය ලේකම් කොට්ඨාසයේ ගල්කිරියාගම උල්පතගම පිහිටි ශාක්‍යසිංහාරාමයේ වැඩසිටින අඹන්පොළ විනීත හිමියෝ මෙම අපූරු කළගුණ සැලකීමේ පිංකම සහ ප්‍රදේශයේ දරිද්‍රතාවයෙන් යුතු දරුවන් ලෝකයට හඳුන්වාදීමේ මාහැඟි වැඩසටහනට අත ගසා ඇත්තාහ.
උන්වහන්සේගේ දීර්ඝකාලීන අරමුණ වන ගමේ දරුවන්ට ඉංග්‍රීසි ඉගැන්වීම හා නව තාක්ෂණය ලබාදීමේ උත්සවය රංගිරි දඹුලු රජමහා විහාරයේ හා ශ්‍රී විෂ්ණු දේවාලයේ භාරකාර සියම්මහා නිකායේ අස්ගිරි පාර්ශ්වයේ මාතලේ උප ප්‍රධාන සංඝනායක අඹගස් වැවේ රාහුල නාහිමියන්ගේ හා විදේශීය භික්ෂූන් වහන්සේලා මෙන්ම රටවල් පහක 80ක පමණ බොදු දූත පිරිසකගේ ප්‍රධානත්වයෙන් පැවැත්විණි.
දූත පිරිස ගම්මුන් විසින් ඉතා හරසරින් යුතුව පිළිගැනීම සිදුකළ අතර නාහිමිවරුන් හා දූත පිරිස අතින් ගොඩනැගිල්ල විවෘත කෙරිණි.
උන්වහන්සේගේ කුඩා අවධියේ බණ්ඩාරවෙල පාලිත හිමියන්ගේ මඟපෙන්වීම යටතේ ගල්කිරියාගම ශාක්‍යසිංහාරාමයට වැඩම කොට තිබේ.
දැඩි ආර්ථික දුෂ්කරතා මධ්‍යයේ අධිෂ්ඨානශීලීව නිසි ලෙස ඉංග්‍රීසි භාෂාව ඉගෙන ගත් බවත් භාෂා නිපුණත්වය මත විදේශ රටවල් රැසකට ගොස් ඉංග්‍රීසි භාෂාවෙන් බුදුදහම පිළිබඳව එම ජනතාවට ධර්මය දේශනාකොට ලැබුණු දහම් පඬුරු ආධාර තම ගම්මානයේ වෙසෙන දරුවන්ට ඉංග්‍රීසි භාෂාව උගන්වා ඔවුන් පරිගණක දැනුමෙන් වර්ධනය කිරීම තම අරමුණු සිදුකරගෙන තිබුණු බව ද එම අරමුණ සාර්ථක වූ බව උන්වහන්සේ පෙන්වා දුන්හ.
රුපියල් මිලියන 30ක මුදලක් වියදමින් ඉදිකෙරුණු මෙම දෙමහල් ගොඩනැගිල්ල විවෘත කිරීමෙන් පසු අධ්‍යාපනය ලබන දරු දැරියන් සියයකට, ගැබිනි මව්වරුන් සියයකට, වැඩිහිටියන් පනස් දෙනෙකුට සහ ආබාධිත පුද්ගලයන්ට ආධාර උපකාර කිරීම ද මෙදින සිදුකෙරිණි.
උන්වහන්සේ සිංගප්පූරුව, මැලේසියාව, ඉන්දුනීසියාව ඇතුළු රටවල් රැසක ධර්ම දේශනා කළ අතර එම රටවල දායක දායිකාවෝ එක්ව මෙරට දරුවන්ට උපකාර කරන බව ද ඒ සියල්ල දරුවන්ට නොමිලේ ලබාදීමට හැකිවීම ගැන සතුටු වන බව ද උන්වහන්සේ පැවසූහ.
මෙම උදාර කටයුත්ත දැක මෙරටට පැමිණි විදේශීය දූත පිරිස ද දැඩි සතුටට පත්වූහ.
ලෝකයේ රටවල්වලට වැඩමකොට ධර්ම දේශනා කරමින් ලැබෙන දහම් පඬුරු එකතු පහදු කරගෙන ලෝකයේ බුදුදහම පිළිබඳව අවබෝධ කරගත් ජනතාවගේ සහයෝගයෙන් වූ ගල්කිරියාගම උල්පත ප්‍රදේශයේ අහිංසක දරුවන්ට ජාත්‍යන්තරයට පා තබන්නට සිදු කළ මෙම පුණ්‍යකර්මය සුවිශාල වූ සේවාවක් බව එහි වැඩම කළ මහ සඟරුවන පැවැසූහ.
රංගිරි දඹුලු රජමහ විහාරය සහ ශ්‍රී විෂ්ණු දේවාලයේ භාරකාර සියම් මහා නිකායේ අස්ගිරි පාර්ශවයේ මාතලේ දිසාවේ උප ප්‍රධාන සංඝනායක අඹගස්වැවේ රාහුල නාහිමියන් මෙසේ අදහස් ප්‍රකාශ කළහ.
“ගල්කිරියාගම උල්පත ප්‍රදේශය සහ එම අවට ප්‍රදේශය අතීතයේ සිටම දැඩි ආර්ථික දුෂ්කරතාවන් මධ්‍යයේ අලින් ගහණ වූ ප්‍රදේශයක්. බුදු සසුනට වැඩ ඇති යතිවරයාණන් වහන්සේලා ජනිත වූ ප්‍රදේශයක් තමයි මේ ප්‍රදේශය. ඒ වගේම තමයි විනීත ස්වාමීන් වහන්සේ දුෂ්කරතා රැසක් මධ්‍යයේ ලබාගත් දහම් අධ්‍යාපනය, පිරිවෙන් අධ්‍යාපනය සහ ඉංග්‍රීසි භාෂා දැනුම තුළින් බුදුදහම පිළිබඳව ලොව පුරා විසිරී සිටින ජනතාවට ධර්මය අවබෝධ කර දෙමින් සිදු කරන මෙම මාහැඟි කාර්යය සියලු දෙනාගේම ඇගයීමට පාත්‍ර විය යුතුයි.
බොහෝදෙනෙක් අධ්‍යාපනය ලැබීමත් සමඟ මිල මුදල් ලැබීමත් සමග තමන් ජීවත් වූ ගම අතහැර දමන යුගයක්, අදටත් විනීත ස්වාමීන් වහන්සේ රබර් සෙරෙප්පු දෙකක් පාදවල දමාගෙන ඉතා නිරහංකාරව මෙම කටයුතු සිදු කිරීම සුවිශේෂී කරුණක් ලෙස මම දකිනවා. මේ සම්පත්වලින් ප්‍රයෝජනය ගෙන මේ ප්‍රදේශවල දුවා දරුවන් ලෝකය ජයගත යුතු වෙනවා.’’
තමන් වහන්සේගේ අරමුණ පිළිබඳව සහ උත්සාහය පිළිබඳව අඹන්පොල විනීත හිමියෝ මෙසේ අප සමග පැවසූහ.
‘‘මම ගොඩක් ආර්ථික දුෂ්කරතා මධ්‍යයේ තමයි මේ පන්සලේ වැඩ හිටියේ. බණ්ඩාරවෙල පාලිත හාමුදුරුවෝ මාව මෙම පන්සලට බාරදීලා කිව්වෙ ‘ගමේ මිනිස්සුන්ට ධර්මය දේශනා කරලා දරුවන්ගේ අධ්‍යාපනයට සහයෝගයක් උදව්වක් දෙන්න’ කියලා. ටික දවසක් පන්සලේ ඉන්නකොට තමයි මට තේරුණේ මේ පැත්තෙ මිනිස්සු මොනතරම් දුක් විඳිනවද කියලා. ඒ අයට ඉගෙනගන්න යන්න විදිහක් නෑ. එළිවෙනකන් වල් අලිත් එක්ක පොර බදනවා.
අම්මලා තාත්තලා හේන්වල දුක්විඳිනවා දරුවන්ට ඉගෙනගන්න බැහැ. ගෙදර අනිත් අයත් එක්ක අලින්ට බයේ ගුළි වෙලා ඉන්නවා. අපේ පන්සල්වල අපි ජීවත් වුණෙත් එහෙම.
පසුව තමයි මම කල්පනා කළේ ඉංග්‍රීසි ඉගෙන ගන්න ඕන, ඉංග්‍රීසියෙන් බණ කියන්න ඉගෙන ගන්න ඕන කියලා මගේ අධිෂ්ඨානය බවට පත්වුණේ එහෙම ඉංග්‍රීසි ඉගෙන ගෙන ලෝකේ රටවල්වලට වැඩම කරලා බණ කියලා ඒ අයගේ ජීවිත සුවපත් කරනවා කියලා. ඒ වගේම එයින් ලැබෙන දහම් පඬුරු ටික මම එකතුපහදු කරලා මගේ ගමේ අහිංසක දරුවන්ට මම ආපු තැනට එන්න පාර කපනවා කියලා. මට අද ඒක ඉෂ්ට කරගන්න පුළුවන් වුණා.
නා හිමිවරුන් අතින් බහුකාර්ය ගොඩනැගිල්ලේ සමරු පාලකය නිරාවරණය වූ අවස්ථාව
මිනිස්සු හිතාගත්තොත්, අධිෂ්ඨාන කර ගත්තොත්, වීරිය වැඩුවොත් ඕනෑම දෙයක් කරන්න පුළුවන් කියලා අපේ බුදුරජාණන් වහන්සේ දේශනා කරලා තියෙනවා උන්වහන්සේ බුදුවෙන්න පෙරුම් පිරුවා වීරියවන්ත වුණා. ඒ වගේම අපටත් ඒ මඟ කියා දුන්නා. ඒ නිසා මමත් කල්පනා කළේ, මම දුක් වින්දා, අලින් එක්ක පොරබැදුවා, බොහොම අමාරුවෙන් මගේ දායකයන් දීපු දන් වළඳලා ලැබුණු මුදලින් ඉගෙනගෙන මාව පෝෂණය කරපු, මට උගන්නන්න උත්සාහ කරපු, මට වතුර ටික නාගන්න පහසුකම් දුන්නු, මට සිවුරු පිරිකර පූජා කරපු මේ අහිංසක ගොවි අම්මලා තාත්තලාට කළගුණ සළකන්න. දරුවන්ට හරියට ඉගෙන ගන්න හැකියාවක් නැති දෙමව්පියන්ට කළගුණ සැලකීමක් වශයෙන් තමයි මම මේ සියලු දේවල් කරන්නේ.
මේ බහු කාර්ය ගොඩනැගිල්ල කොම්පියුටර් අධ්‍යාපනය, ඉංග්‍රීසි අධ්‍යාපනය, සිංහල අධ්‍යාපනය, දමිළ අධ්‍යාපනය වගේම ස්වයං රැකියා පුහුණු කිරීම් පොතපත කියවීමට අවස්ථාව සියල්ල මගේ ගමේ දරුවන්ට නොමිලේ ලබාදෙන්න තමයි තීරණය කරලා තියෙන්නේ. කිසිදු මිල මුදලක් නැතුව මේ දරුවන් යහමගට ගන්න රටේ හොඳ පුරවැසියන් කරන්න හොඳ උගත් බෞද්ධ දරුවන් පිරිසක් රටට දායාද කරන්න තමයි මම උත්සහ කරන්නේ.
මේ දරුවන් හොඳ අධ්‍යාපනයෙන් හෙබි දරුවන් බවට පත්වුණොත් ඒ අයත් තමන්ගේ ගමට රටට වැඩදායී යමක් කරාවි. එදාටත් මේ විදිහටම මම සතුටු වෙනවා. අද මගෙන් බණ අහපු ලෝකයේ රටවල් ගණනාවක ජනතාව ලංකාවට ඇවිල්ලා මගේ දුප්පත් ගමට ආපු එක ගැන මම ගොඩක් සතුටුවෙනවා. මොකද ඒ අය ධර්මය පිළිබඳව ඉගෙනගත්තා අවබෝධ කරගත්තා. මම ආරාධනා කළා මගේ මේ උත්සාහය ඒ අයගේත් දෑසින් දැක බලාගන්න එන්න කියලා. උගත් දරු පරපුරට උදව්පදව් කරන්න මෙවැනි දේ සිදු කරන්න කියලා ඒ අය මේවා ඇස්වලින් දැකලා සතුටුවෙනවා. ලෝකයේ ඒ ජනතාව වෙනස් කරන්න ගමේ හිටපු මට පුළුවන් වුණා. ඒක මම නිහතමානීව සතුටුවෙන කරුණක්. මට උදව් උපකාර කළ සියලු දෙනාටම මම ස්තුතිවන්ත වෙනවා.”
සටහන : දඹුල්ල -
කාංචන කුමාර ආරියදාස
Published in
දිරිය මිනිස්සු
Tagged under
Wednesday, 06 January 2021 08:28
නව සෞඛ්‍ය මාර්ගෝපදේශ අනුව පාසල් ක්‍රීඩා තරග ආරම්භ කිරීමට පියවර
නව සෞඛ්‍ය මාර්ගෝපදේශ අනුව පාසල් ක්‍රීඩා තරග ආරම්භ කිරීමට පියවර
Published in
නව පුවත්
Tagged under
Wednesday, 06 January 2021 08:18
දුම්රිය ගමන් වාර ඉහළ දැමීමට පියවර
Tuesday, 05 January 2021 10:36
ප‍්‍රධානතම කුකුළු මස් කර්මාන්තශාලාවක කොරෝනා රෝගීන් , අධිශීතකර ලොරිවලින් රට පුරා කුකුළු මස් බෙදා හැරලා
මෙරට ප්‍රධාන කළේම කුකුළු මස් නිම්පාදන ආයතනයක කොරෝනා ආසාදිතයන් හදුනාගෙන ඇතැයි වාර්තා වෙයි.
ඒ හේතුවෙන් එම කර්මාන්ත ශාලාව දින තුනක කාලයක් වසා දමා කොරෝනා පරීක්ෂණ සිදු කෙරෙමින් පවතී.
කෙසේ නමුත් කර්මාන්තශාලාවේ සේවකයන්ට දැනුම් දී ඇත්තේ මේ බව පිටතට නොදන්වන ලෙස ලෙසයි.
ගම්පොළ ප්‍රදේශයේ පිහිටි මෙම කර්මාන්ත ශාලාවේ නිෂ්පාදනය කරන කුකුළු මස් ඇසුරුම් කර අධිශීතකරණ රථ මගින් රට පුරා පිහිටි ප්‍රධාන පෙළේ සුපිරි වෙළඳසැල් ඇතුළු වෙළඳසැල් වලට මේ වන විටත් බෙදා හැර ඇතැයි ද වාර්තා වී ඇත.
Published in
පුවත්
Tuesday, 05 January 2021 05:19
කොළඹ මහජන පුස්තකාලය පාඨකයින්ට විවෘත වෙයි
Monday, 04 January 2021 09:10
කොළඹ වරායේ නැගෙනහිර පර්යන්තය ඉන්දියාවට ? ඉන්දීය විදේශ අමාත්‍ය එස්. ජයශංකර් මහතා හෙට (5) දිවයිනට
ඉන්දීය විදේශ අමාත්‍ය එස්. ජයශංකර් මහතා හෙට (5) දිවයිනට පැමිණීමට නියමිතව ඇත. විදේශ කටයුතු අමාත්‍යංශය පැවසුවේ, දෙදින නිල සංචාරයක් සඳහා විදේශ අමාත්‍යවරයා එලෙස දිවයිනට පැමිණෙන බවයි. කොළඹ වරායේ නැගෙනහිර පර්යන්තය පිලිබඳ ගැටලුව හා ත්‍රිකුණාමල වාරයේ සංවර්ධන කටයුතු පිලිබඳ සාකච්ජා කරනු ඇති බවට තහවුරු කර නොමැති අතර. අමාත්‍ය එස්. ජයශංකර් මහතා මෙම සංචාරයෙදී ජනාධිපති අගමැති ඇතුළු රජයේ ඉහළපෙලේ නියෝජිතයින් හමුවීමට ද නියමිත බව රජයේ ආරංචිමාර්ග තහවුරු කර තිබේ.
Published in
පුවත්
Tagged under
Monday, 04 January 2021 08:36
රුපියල් 2,000 ක නව මුදල් නෝට්ටුවක්
ශ්‍රී ලංකා මහ බැංකුව විසින් 2006 දී හඳුන්වා දුන් රුපියල් දෙදහසක මුදල් නෝට්ටුව අවලගු කළ අතර ඊට විවිධ හේතු බලපෑ අතර එහි විශාලත්වයද එක් හේතුවක් විය. කෙසේ වෙතත්
නැවත දෙදහසේ මුදල් නෝට්ටුවක් හදුන්වා දීමට ශ්‍රී ලංකා මහා බැංකුව කටයුතු කරමින් සිටින බව වාර්තා වෙයි. 1950 සිට ශ්‍රී ලංකා මහ බැංකුව විසින් මුදල් නෝට්ටු කාණ්ඩ එකොළහක් නිකුත් කරනු ලැබ ඇත.
1 හයවන ජෝර්ජ් රජුගේ රුව සහිත නෝට්ටු කාණ්ඩය
2. දෙ වන එළිසබෙත් රැජිනගේ රුව සහිත නෝට්ටු කාණ්ඩය
3. ලංකාවේ රාජ්‍ය ලාංඡනය ඇතුළත් නෝට්ටු කාණ්ඩය
4. එස් ඩබ් ආර් ඩී බණ්ඩාරනායක රුව ඇතුළත් නෝට්ටු කාණ්ඩය
5. පරාක්‍රමබාහු රජුගේ පිළිරුව සහිත කාණ්ඩය
6. ශ්‍රී ලංකාවේ රාජ්‍ය ලාංඡනය ඇතුළත් නෝට්ටු කාණ්ඩය
7. සතුන් සහ වෘක්ෂලතා ඇතුළත් නෝට්ටු කාණ්ඩය
8. ඓතිහාසික සහ පුරාවිද්‍යාත්මක තේමා රැගත් නෝට්ටු කාණ්ඩය
9. ඓතිහාසික සහ සංවර්ධනය විදහා දැක්වෙන නෝට්ටු කාණ්ඩය
10 .ශ්‍රී ලංකාවේ උරුමයන් ඇතුළත් නෝට්ටු කාණ්ඩය
11 .සංවර්ධනය, සෞභාග්‍ය සහ ශ්‍රී ලංකාවේ නැටුම් ශිල්පීන් යන නෝට්ටු කාණ්ඩය යටතේ මෙම නව මුදල් නොට්ටුවද නිකුත්වනු ඇති.
Published in
පුවත්
Tagged under
Monday, 04 January 2021 07:50
පාස්කු ප්‍රහාරය මෙහෙයවූ ත්‍රස්තයා තවමත් ලංකාවේ, ඔහුගේ ජාලය සොයා පුළුල් විමර්ශනයක්
අයි.එස්. සංවිධානයේ ඒජන්තවරයකු සිරියාවේ සිට මෙරට අන්තවාදය පෝෂණය කරමින් සිටින බවට මෙරට ආරක්ෂක හා බුද්ධි අංශ උපුටා දක්වමින් මෙරටය පුවත් සේවයක් වාර්තාකර තිබේ .
ජාතික තවුහිද් ජමාත් සංවිධානයේ නායක සහරාන් හෂීම් ඇතුළු පාස්කු ප්‍රහාරයට සම්බන්ධ කණ්ඩායම් අයි.එස්. සංවිධානයට බඳවා ගෙන ඇත්තේ ඔහු බවද පැවසේ.
මෙම අයි.එස්. ඒජන්තයා මහනුවර ප්‍රදේශයේ පදිංචිකරුවෙකි. මෙම පුද්ගලයා මීට වසර හයකට පෙර සිරියාවට ගොස් අයි.එස්. සංවිධානය හා බැඳී ත්‍රස්ත පුහුණුව ලැබූ අයකු බවත් ඔහු අයි.එස්. සංවිධානයේ ත්‍රස්ත නාමයක්ද ලබාගෙන ඇති බවත් හෙළිව ඇත. පාස්කු ප්‍රහාරයට පළමුව සහරාන් හෂීම් ප්‍රමුඛ කණ්ඩායම් සිරියාවේ සිට මෙහෙයවා ඇත්තේ ද ඔහු බව හමුදා හා පොලිස් බුද්ධි අංශ අනාවරණය කරගෙන තිබේ.
මෙම පුද්ගලයා මේ වන විටත් ක්‍රියාකාරීව සිටිමින් ත්‍රස්තවාදය මෙරට ව්‍යාප්ත කිරීමේ උත්සාහයක නිරතව සිටින බව හෙළි කරගෙන ඇත. අන්තර්ජාලය මගින් ඔහු හා සම්බන්ධ වී සිටින පුද්ගලයන් සියයකට ආසන්න පිරිසක් ගැනද තොරතුරු ලැබී තිබේ.
ඔහු සහරාන් හෂීම් ඇතුළු ජාතික තවුහිද් ජමාත් සංවිධානය මෙහෙයවමින් කටයුතු කළ කාලයේ දී (පාස්කු ප්‍රහාරයට පළමුව) බුද්ධි අංශ මගින් ඒ පිළිබඳ ආරක්ෂක අමාත්‍යාංශය ඇතුළු ප්‍රධානීන් දැනුවත් කර ඇතත් ඒ ගැන කිසිදු සොයා බැලීමක් කර නැතැයි චෝදනා එල්ල වේ. අයි.එස්. සංවිධානයේ මෙරට ඒජන්තවරයා වශයෙන් සැලකෙන මෙන්ම පාස්කු ප්‍රහාරයේ ප්‍රධාන මෙහෙයුම්කරුවකු බවට ද සොයාගෙන ඇති ඔහු හා සම්බන්ධ මෙරට අන්තවාදී ජාලය සොයා ආරක්ෂක අංශ පුළුල් විමර්ශනයක් ආරම්භ කර ඇත.
Published in
පුවත්
Page 183 of 382