රටේ රාජාණ්ඩුව විවේචනය කරන කණ්ඩායමක් අවහිර කිරීමට තායි රජය බල කිරීමත් සමඟ ෆේස්බුක් ආයතනය   ක්‍රියාමාර්ග ගැනීමට සැලසුම් කරමින් සිටී.

ෆේස්බුක් සමාජ මාධ්‍ය සමාගම කියා සිටියේ තායිලන්තයේ පරිශීලකයින් රාජකීය කණ්ඩායම් විවේචනය කිරීමට  පිවිසීම වැළැක්වීමට තායි රජය විසින් බල කර ඇති බවයි -  ඒ අනුව අදාළ කණ්ඩායමට ප්‍රවේශ වීමට උත්සාහ කළ පරිශීලකයින්ට සඳුදා රාත්‍රියේ සුවිශේෂී පණිවිඩයක් ලැබුණි: “ඩිජිටල් ආර්ථික හා සමාජ අමාත්‍යාංශයේ නීතිමය ඉල්ලීමකට අනුව තායිලන්තය තුළ කණ්ඩායමට ප්‍රවේශ වීම සීමා කර ඇත.” යනුවෙනි. සාමාජිකයින් මිලියනයක් සිටින කණ්ඩායමක (facebook Grup) තායි රාජකීය පවුල පිළිබඳ ලිපි ඇතුළත් වේ. මෙම කණ්ඩායම අන්තර්ජාතික ලෙස අවහිර කරන ලෙස හා ඉවත්කරන ලෙස රජය ඉල්ලා ඇත.ෆේස්බුක් පසුව කියා සිටියේ රජයේ මෙම අන්තර්ගතය නීති විරෝධී යැයි සැලකූ බවයි.

“මෙවැනි ඉල්ලීම් දැඩි, ජාත්‍යන්තර මානව හිමිකම් නීතියට පටහැනි වන අතර මිනිසුන්ගේ අදහස් ප්‍රකාශ කිරීමේ හැකියාව කෙරෙහි දැඩි බලපෑමක් ඇති කරයි” යනුවෙන් ෆේස්බුක් ප්‍රකාශකයෙක් විශේෂ ප්‍රකාශයක් නිකුත් කරමින් කියා සිටියේය. "අපි සියලු අන්තර්ජාල භාවිතා කරන්නන්ගේ අයිතිවාසිකම් ආරක්ෂා කිරීමට කිරීමට කටයුතු කරන අතර මෙම ඉල්ලීමට නීත්‍යානුකූලව අභියෝග කිරීමට සූදානම් වෙමු." යනුවෙන් ඔහු සඳහන් කර තිබේ.

රජය විසින් අදාළ ෆේස්බුක් කණ්ඩායම අවහිර කරන ලද පුවත මුලින්ම වාර්තා කළේ රොයිටර්ස් විසිනි.

ෆේස්බුක් (එෆ්බී) කියා සිටියේ තායිලන්තයේ ෆේස්බුක් නියෝජිතයින්ට එරෙහිව අපරාධ නඩු පැවරීමට රජය තර්ජනය කිරීමත් සමඟ රට තුළ යම් ආකාරයක දේශපාලන කතා සීමා කරන ලෙස තායි රජයෙන් බලපෑම් එල්ල වී ඇති බවයි.නමුත් "තායිලන්තයට තමන්ගේම නීති ඇති අතර සෑම රටකම නීතිවලට ගරු කළ යුතුය."

තායි නීතියට අනුව, රජු, රැජින, උරුමක්කාරයා හෝ සම්බන්දිතයින් යන අයට අපහාස කිරීමෙන් වසර 15 ක සිර ද දඩුවමක් නියම විය හැකිය. සාමාන්‍ය තායි පුරවැසියන්ට මෙන්ම රජයටද රජු වෙනුවෙන් චෝදනා ඉදිරිපත් කළ හැකි බැවින් නීතිය දේශපාලන මෙවලමක් ලෙස වැඩි වැඩියෙන් භාවිතා කර ඇත. එසේ තිබියදීත්, විරෝධතාකරුවන් දහස් ගණනක් මෑත දිනවලදී රටේ අගනුවර වන බැංකොක්හි වීදි බැස ඇත.

සෑම දෙනාගේම සත්‍යයේ බේරුම්කරුවා වන facebook, රටේ රාජාණ්ඩුව විවේචනය කරන කණ්ඩායමකට තායිලන්තයට පිවිසීම තහනම් කර ඇති බව ද ගාඩියන් පුවත්පත වාර්තා කරයි. තායි රජය විසින් නීතිමය ක්‍රියාමාර්ග ගන්නා බවට තර්ජනය කිරීමෙන් පසුව ෆේස්බුක් කණ්ඩායම අවහිර කළේය. 

රාජකීය වෙළඳපොල හෙවත්  Royalist Marketplace නම් මෙම කණ්ඩායම ආරම්භ කරනු ලැබුවේ ජපානයේ වෙසෙන තායි විරුද්ධවාදියෙකු වන පවින් චචවල්පොන්පන් විසිනි. පවින් රොයිටර් පුවත් සේවයට කියා සිටියේ ෆේස්බුක් “ප්‍රජාතන්ත්‍රවාදයට බාධා කිරීම සහ තායිලන්තයේ අධිකාරීවාදය වර්ධනය කිරීම සඳහා ඒකාධිපති පාලන තන්ත්‍රය සමඟ සහයෝගයෙන් කටයුතු කරන” බවයි.

කෙසේවෙතත් රටක අභ්‍යන්තර නීති හා ෆේස්බුක් නීති ගැටීම පෙන්නුම්කරන  මෙම සිදුවීම් පිලිබඳ  ජාත්‍යන්තර කතාබහක් නිර්මාණය වෙමින් තිබේ.

ශක්තිමත් දේශීය ආර්ථිකයක් ගොඩනගනු පිණිස කෘෂි අස්වනු වැඩි කිරීමට කාලය එළැඹ ඇති බව සහ ඒ සම්බන්ධ නව යෝජනා පිළිබඳව, වී හා ධාන්‍ය, කාබනික පොහොර, එළවළු, පළතුරු, මිරිස්, ළූණු හා අර්තාපල් වගා ප්‍රවර්ධනය, බීජ නිෂ්පාදන හා උසස් තාක්ෂණික කෘෂිකර්ම රාජ්‍ය අමාත්‍යාංශයේ ඉදිරි සැලසුම් පිළිබඳව ජනාධිපති ගෝඨාභ⁣ය රාජපක්ෂ මහතා ඊයේ (24) පස්වරුවේ ජනාධිපති කාර්යාලයේ පැවති සාකච්ඡාවේදී සාකච්ඡාවට ලක්විය.

දුම්බීම නිසා මානසික රෝග ඇතිවන බව මනෝ වෛද්‍ය විශේෂඥ අමිල ඉසුරු මහතා පවසයි.

2006 අංක 27 දරණ දුම්කොළ හා මධ්‍යසාර පිළිබද ජාතික අධිකාරී පණතට අනුව දුම්කොළ අඩංගු විට වර්ග විකිණීම ,ප්‍රදර්ශනය කිරීම සහ මහජනතාවට පෙනෙන සේ දුම්වැටි භාවිතය ශ්‍රී ලංකාව තුළ සපුරා තහනම් බව දුම්කොළ හා මධ්‍යසාර පිළිබද ජාතික අධිකාරීයේ සභාපති, ආචාර්ය , වෛද්‍ය සමාධි රාජපක්ෂ මහතා පවසයි.

සිංහරාජය,ලංකාගම යන වචන මේ දිනවල ලාංකීය සමාජය තුළ වැඩි වශයෙන් භාවිතා වන වචන බවට පත්ව ඇත.ඒ නෙළුව – ලංකාගම – දෙනියාය මාර්ගය සංවර්ධනය කිරීමට ආරම්භ කිරීමත් සමඟිනි.ජනාධිපති ගෝඨාභය රාජපක්ෂ මැතිතුමන්ගෙන් ලංකාගම ගම්වාසීන් කරන ලද ඉල්ලීමකට අනුව එම මාර්ගයේ සංවර්ධන කටයුතු පසුගියදා ආරම්භ විය.නමුත් පරිසරපරිසරවේදීන් ඇතුළු සමාජ ක්‍රියාකාරීන් පිරිසක් විසින් මෙම මාර්ගයේ සංවර්ධන කටයුතුවලට විරෝධය පළ කිරීමත් සමඟ මෙම මාර්ගයේ සංවර්ධන කටයුතු තාවකාලිකව නවතා දැමීමට ජනාධිපතිතුමන් විසින් තීරණය කර ඇත.

නෙළුව සිට රක්වාන දක්වා මාර්ගය 1970-1977 කාලයේ දී ලකුණු කළ මාර්ගයක් බව ලංකාගම ජීවත්වන වැඩිහිටියන් පෙන්වා දෙයි.ඔවුන් පවසන ආකාරයට මෙම මාර්ගය ඉතාමත් පැරණි මාර්ගයකි.ලංකාගම සිට දෙනියාය දක්වා ප්‍රධාන මාර්ග දෙකක් ඇති අතර ලංකාගම සිට සිංහරාජ පිවිසුම් දොරටුව අසලින් පිටදෙණිය හරහා දෙනියාය දක්වා දැනට යතුරුපැදි පමණක් ගමන් කළ හැකි රක්ශිතය මැදින් වු මාර්ගය සහ ලංකාගම සිට දොඹගොඩ හරහා දෙනියාය දක්වා වූ දැනට ට්‍රැක්ටර් රථ වලට පමණක් ගමන් කළ හැකි මාර්ගය යනු එම මාර්ග දෙකයි.ඒ අනුව මේ වන විට සංවර්ධනය කිරීමට ආරම්භ කර ඇත්තේ මෙම දොඹගොඩ හරහා දිවෙන ට්‍රැක්ටර් රථවලට පමණක් ගමන් කළ හැකි අඩි 10ක පළලකින් යුතු මාර්ගයයි.

ගම්වාසීන් පවසන්නේ තමන් ඉතාමත් දුශ්කර ජීවිතයක් ගත කළ ද වෙනත් පහසුකම් වලට වඩා තමන් ඉල්ලා සිටින්නෙ ප්‍රධාන නගරයන්ට ලඟා විය හැකි මාර්ගය සංවර්ධනය කර දෙන ලෙස පමණක් බවයි.නිසි පරිදි සංවර්ධනය කරන ලද මාර්ගයක අවශ්‍යතාවය තම ගම්වාසීන්ට තදින්ම දැනෙන බවත් ඔවුන් පෙන්වා දෙයි.තම ඉල්ලීම අනුව ජනාධිපතිතුමා මෙම මාර්ගය සංවර්ධනය කිරීම ආරම්භ කළද විවිධ පිරිස් විසින් කරුණු හරි හැටි නොදැන අසත්‍ය තොරතුරු ප්‍රචාරය කරමින් මාර්ගය සංවර්ධනය කිරීමේ කකටයුතු නතර කිරීමට උත්සහ කරන බව තවදුරටත් ගම්වාසීන් පවසයි.

තම දුශ්කරතා පිළිබඳ අදහස් දක්වමින් ලංකාගම පදිංචි සුමිත් චන්දන මහතා ” මේ මාර්ගය ඉතාමත් පැරණි මාර්ගයක්.අවුරුදු පන්සියයකටත් වඩා පැරණි මාර්ගයක් මේක.1970 -77 කාලෙදි නෙළුවේ ඉඳලා රක්වානට යන්න ලංකාගම හරහා පාරක් ලකුණු කරා නමුත් ඒ කාලේ හැටියට පාර සංවර්ධනය කරන්න හැකි වුණේ නැහැ.නමුත් මේ පාර මිනිස්සු තමන්ගේ ගමන් බිමන් වලට භාවිතා කරා.දැන් නැවත් සංවර්ධනය කරන්න සූදානම් වෙන්නේ ඒ මාර්ගයයි.පස්සේ කාලෙකදි මේ පාර බලන්න දේශපාලඥයන් ආවා.පාර හදලා දෙන්න කිව්වට කිසිම කෙනෙක් හදලා දු.ලංකාගම පාසලේ ගොඩනැගිලි විවෘත කරන්න පියසේන ගමගේ හිටපු ඇමතිතුමා පැමිණි වෙලාවකත් ඒ විදියට පාරේ ඇණ තියලා තිබුණා.මේ වගේ අවස්ථා කිහිපකදීම විවිධ පිරිස් මේ වැඩසටහන් කඩාකප්පල් කරන්න උත්සහ ගත්තා.ගම්වාසීන් විදියට අපි දේශපාලන අධිකාරීයට නිතරම දැනුම් දුන්නා අපිට පාරක් හදලා දෙන්න කියලා.නමුත් අපිට කිසිම කෙනෙක් සාධාරණයක් ඉටු කරේ නැහැ.ගෝඨාභය රාජපක්ෂ ජනාධිපතිතුමා අපේ ඉල්ලීම අහලා අපිට පාර හදලා දෙන්න පොරොන්දු වුණා.ඒත් දැන් ඒකටත් විරුද්ධව කටයුතු කරනවා ඇතැම් අය.අපි ඉල්ලන්නේ පාර හදලා දෙන්න කියලා.අපි මේ විඳින දුකට සාධාරණය ඉටු කරන්න කියලා”.

මෙම ගැටළුව පිළිබඳ අදහස් දක්වමින් ලංකාගම පදිංචි …… පැවසුවේ ” ලංකාගම කියන්නේ අති දුශ්කර ගම්මානයක්.අපි ගෙවන්නේ ඉතාමත් කටුක ජීවිතයක්.යන්න එන්න පාරක් නෑ.දුරකථන ඇමතුමක් ගන්න සිග්නල් නෑ.ලඟ පාතක රෝහලක් නෑ.ලෙඩක් හැදුනාම රෝහලට යන්න පැය දෙක තුනක් යනවා.දරුවෝ පාසලට යන්න පැය ගණන් කිලෝමීටර හතක් අටක් යන්න ඕන පයින්.බස් එකකටවත් යන්න බැහැ මේ තියෙන පාරේ.මේ ගැටළු නිසයි අපි පාරක් ඉල්ලුවේ.ජනාධිපතිතුමා අපේ ඉල්ලීමට කන් දීලා අපේ පාර සංවර්ධනය කිරීමට කටයුතු ආරම්භ කළා.නමුත් දැන් පරිසරවේදීන් කියාගත්තු පිරිසක් මේ මාර්ගය හදන්න එපා කියලා බලපෑම් කරනවා.ඉස්සර ලංකාගම කිව්ව්ම කවුරුවත් දන්නේ නෑ කොහේ තියෙන ගමක්ද කියලවත්.ඒත් දැන් සමාජ මාධ්‍ය වල පවා ඉතාමත් ප්‍රසිද්ධ ගම්මානයක් බවට පත් වෙලා අපේ ගම.සමාජ මාධ්‍ය වල සිංහරාජය ආරක්ෂා කරන්න ලංකාගමට පාරක් ඕන නෑ කියන කිසිම කෙනෙක් මේ ගමට ඇවිත් නැහැ.මේ ගම ගැන දන්නේ නැහැ.ඔවුන් කරන්නේ තමන්ගේ වාසිය වෙනුවෙන් තවත් කෙනෙක් කියන දෙයක් ප්‍රචාරය කරන එක විතරයි.මේ ගමේ මිනිස්සු පාරක් නොමැතිකම නිසා කොයිතරම් අසරණ වෙලාද කියලා ගමට ඇවිත් බලන්න කියලා අපි ඔවුන්ට ආරාධනා කරනවා.ලංකාගම ඉන්නේ සිංහරාජය රැකගත්තු මිනිස්සු.පරිසරපරිසරවේදීන් කියලා කෑ ගහන ඊනියාකරයින්ට වඩා වනාන්තරයට පරිසරයට ආදරේ මිනිස්සු මේ ගම්වල ඉන්නේ.තමන්ගේ තේ දළු ටික කම්හලට ගෙන යන්න දරුවන්ට පාසලට යන්න ලෙඩක් හැදුනම රෝහලට යන්න පාරක් විතරයි ඔවුන් ඉල්ලන්නේ.මේ පාර සංවර්ධනය කරා කියලා වනාන්තරයට කිසිම හානියක් වෙන්නෙ නැහැ.පිටදෙණිය හරහා මාර්ගය සංවර්ධනය කළොත් පමණයි මේ මිනිස්සු කියනවා වගේ හානියක් වනාන්තරයට සිදු වෙන්නේ.නමුත් යුධ හමුදාව සංවර්ධනය කිරීමට පටන් ගත්තේ දොඹගොඩ හරහා ඇති මාර්ගයයි.ඒ මාර්ගය සංවර්ධනය කරලා දෙනවා කියන්නේ වනාන්තරයට දැනට වෙන හානියත් අඩු වෙනවා කියන එකයි.ඒ නිසා අපි පරිසරවේදීන් කියාගත්තු ඊනීයාකාරයින්ටත් කොළඹ ඉඳන් ලංකාගම ගැන නිර්වචන දෙන මාධ්‍යවේදීන්ටත් කියනවා ලංකාගමට ඇවිත් වනාන්තරයට හානියක් වෙනවද කියලා හැබැහින් දැකලා තොරතුරු ප්‍රචාරය කරන්න කියලා”.

මෙම ගැටළුව පිළිබඳව අදහස් දක්වමින් ලංකාගම …. පැවසුවේ ” සමාජ මාධ්‍ය වල වීරයො වෙන්න දඟලන බොහෝ දෙනා ඇත්තටම පරිසරයට ආදරය කරන අයද කියලා හිතෙනවා අපිට.මිනිසුන් ගැන මානුශීයව හිතන්න බැරි මිනිස්සු කොහොමද පරිසරයට ආදරය කරන්නේ.ලංකාගම පාර ගැන කතා කරන්න බොහෝ දෙනෙක් ඉන්නවා.සිංහරාජය ගැන කතා කරන්න බොහෝ දෙනෙක් ඉන්නවා.හැබැයි ඔය කියන කිසිම කෙනෙක් මේ මිනිස්සුන්ට සතපහක උදව්වක් කරපු අය නෙවෙයි.සිංහරාජයේ ඇළි ටික බලන්න වනාන්තරය බලන්න ඇවිත් පොලිතින් ටික කෑම කොළ ටික හිස් බෝතල් ටික කැලේට වීසි කරලා ගියාම මේ ගම්වල මිනිස්සු තමයි ඒවා සුද්ද පවිත්‍ර කරලා වනාන්තරය රැකගන්නේ.එහෙම කරන අපිට කියනවා වනාන්තරය විනාශ කරනවලු.මේ ලංකාගම දෙනියාය මාර්ගය ගැන ගොඩක් අය ඉන්නේ වැරදි වැටහීමකින්.පිටදෙණිය හරහා ඇති අඩි දෙකක තුනක කුඩා පාර අඩි දොළහක් දක්වා වනාන්තරය මැදින් සංවර්ධනය කරනවා කියලා අසත්‍ය ප්‍රචාර ගෙනයනවා.නමුත් ඇත්තටම සංවර්ධනය කරන්නේ දොඹගොඩ හරහා ඇති අඩි දහයක පළලක් සහිත මාරගයයි.ඒ මාර්ගය සංවර්ධනය කරද්දි වනාන්තරයට කිසිම හානියක් වෙන්නේ නැ.වනාන්තරය විනාශ කරලා තමන්9පාරක් හදාගන්න තරම් මේ ගම්වල මිනිස්සු ආත්මාර්තකාමි නැහැ.පරිසරයට ආදරය ජරන පරිසරය රැකගන්න මිනිසුන් මෙහේ ඉන්නේ.ඒ නිසා අපි අතිගරු ජනාධිපතිතුමාගෙන් ඉල්ලා සිටිනවා මේ මාර්ගය ගැන පළ වෙන අසත්‍ය ප්‍රචාර පිළිනොගෙන සත්‍ය සොයා බලා අපිට සධාරණය ඉටු කරන්න කියලා.අපි ඉල්ලන්නේ පාරක් විතරයි.අපිට ඒ පාර හදලා දෙන්න”.

දීර්ඝ කාලයක් සංකචාරක මග පෙන්වන්නෙකු ලෙස කටයුතුකල දෙනියාය,පංසල පාරේ ජීවත්වන වන පාලිත රත්නායකමහතා පැවසුවේ ” ” ලංකාගම ප්‍රදේශයේ ඉදිවන මාර්ගය නිසා පරිසර හානියක් සිදුවන බවට සමාජ මාධ්‍ය ජාලවන්හී පළවන ප්‍රවෘත්ති අසත්‍යයි.ලංකාගම සිට දොඹගොඩ හරහා මෙදේරිපිටිය මාර්ගයයි මේ සංවර්ධනය කිරීමට කටයුතු කරන්නේ.නමුත් ඇතැම් පරිසරවේදීන් සහ ඇතැම් මාධ්‍යවේදීන් පිටදෙණිය සිට සිංහරාජ පිවිසුම් මාර්ගය හරහා ඇති දැනට යතුරුපැදිවලට පමණක් ගමන් කළ හැකි මිනිසුන් පා ගමනින් යන මාර්ගය සංවර්ධනය කරනවා කියලා වැරදි වැටහීමක ඉන්නවා.නමුත් සංවර්ධනය කරනු ලබන්නේ දොඹගොඩ හරහා මාර්ගය මිස මේ පිටදෙණිය හරහා මාර්ගය නෙවෙයි.මේ මාර්ගය සංවර්ධනය කිරීමෙන් සිංහරාජ රක්ශිතයට හානි වන බවට සිදු කරන සියළු චෝදනා අසත්‍යයි.මොකද පිටදෙණිය හරහා යන මාර්ගයේ ගමන් කිරීමේ දී වාහන වලින් පිට වන දුම සහ ශබ්දය නිසා පරිසරයට හානි සිදු වෙනවා.මෙම දොඹගොඩ හරහා මාර්ගය සංවර්ධනය කිරීමෙන් ඒ සියළු හානි වළක්වා ගැනීමට අවස්ථාවක් ලැබෙනවා.එබැවින් මේ මාර්ගය සංවර්ධනය කිරීමෙන් පරිසර හානිය වළක්වා ගනිමින් රක්ශිතය ද ආරක්ෂා කරගනිමින් ජනතාවගේ ගැටළුවටද විසඳුම් ලබා දීමට හැකියාවක් ලැබෙනවා”.

ඒ අනුව ගම්වාසීන් පවසන්නේ වනාන්තරයට හානියක් නොවන පරිදි මෙම මාර්ගය සංවර්ධනය කිරීමට හැකි බැවින් තමන්ට එම මාර්ගය සංවර්ධනය කර දෙන ලෙසයි.එමෙන්ම මෙම මාර්ගය සහ තම ගම්මානය පිළිබඳව අසත්‍ය ප්‍රචාර ගෙන යන්නන්ට වරක් හෝ තම ගමට පැමිණ තමන් විඳින් දුශ්කරතා පිළිබඳව සියැසින් දැක තොරතුරු ප්‍රචාරය කරන ලෙසද ගම්වාසීන් ලාංකිකයන්ගෙන් ඉල්ලා සිටිති.

රනිල් ප්‍රියංක – නෙළුව (රූපවාහිනියේ අමල් සමන්ත තැබූ ෆේස්බුක් සටහනක් ඇසුරෙනි )

ශ්‍රී ලාංකික ආහාර වේලක් පිළියෙළ කරන ඡායාරූප පෙළක් සමාජ මාධ්‍ය මගින් ප්‍රසිද්ධියට පත් කිරීම හේතුවෙන් ඕස්ට්‍රේලියානු අගමැති ස්කොට් මොරිසන් අර්බුදයකට මුහුණදී සිටී. පසුගිය සති අන්තයේදී අගමැතිවරයා කැන්බරාහි සිය නිවසේදී ශ්‍රී ලාංකික ක්‍රමයට පිසූ ගෝදම්බ රොටි සහ ව්‍යංජනයක් සමාජජාල ඔස්සේ ප්‍රසිද්ධියට පත් කළේය.

අගමැතිවරයාගේ බිරිඳ වන ජෙනිෆර් සහ දියණිය වන ඇබී හා ලිලී රැඳී සිටින්නේ මෙල්බර්න් නුවරයි. කොවිඩ් -19 වසංගතය හේතුවෙන් මෙල්බර්න් අඟුළුදමා ඇති අතර ඔවුන් වෙනුවන් අගමැතිවරයා සෑම සති අන්තයකම විවිධ ක්‍රමවලට පිළියෙළ කළ ආහාර වර්ග සමාජජාල ඔස්සේ හුවමාරු කර ගනී. අගමැතිවරයා මෙවර සිය ශ්‍රී ලාංකික ආහාර වේල ප්‍රසිද්ධ කිරීමත් සමග බොහෝ පිරිස් එරට රැඳවුම් භාරයේ සිටින ශ්‍රී ලාංකික සිව්දෙනකුගෙන් යුත් පවුලට ඕස්ට්‍රේලියානු රජය දක්වන විරෝධය පිළිබඳ කරුණු ඉස්මතු කර ඇත. බොහෝ දෙනා අගමැතිවරයාට චෝදනා කර ඇත්තේ ඔහු ශ්‍රී ලාංකික ආහාර රස විඳින නමුත්, අදාළ සංක්‍රමණික ශ්‍රී ලාංකික පවුලට එම ආහාර රසවිඳීමේ අයිතිය ඕස්ට්‍රේලියානු රජය විසින් අහිමි කර ඇති බවයි.

ප්‍රියන හා නදීස් මුරුගප්පන් යුවල සහ ඔහුගේ දියණියන් දෙදෙනා ඕස්ට්‍රේලියාවේ ක්වින්ස්ලන්තයේ බිලෝලා නගරයේ වාසය කළ අතර සංක්‍රමණික නීති උල්ලංඝනය කළ බවට චෝදනා කරමින් සංක්‍රමණික නිලධාරීන් ඔවුන්ව අත්අඩංගුවට ගෙන ක්‍රිස්මස් දූපතේ රඳවා තබා ඇත. එරට වාමාංශික දේශපාලන ක්‍රියාකාරිනියක් හා Change org ආයතනයේ අධ්‍යක්ෂ සාලි රග්ස් ප්‍රකාශ කර ඇත්තේ අගමැතිවරයාගේ රජය මුරුගප්පන් පවුල අත්අඩංගුවට ගත් දිනයේ උදෑසන ඔවුන් සිව්දෙනා ආහාරයට ගනිමින් සිටියේ පරාටා සහ අදාළ මස් ව්‍යංජනය බවයි. එම ප්‍රකාශයට අනුව යමින් ඕස්ට්‍රේලියානු ජාතිකයන් විශාල සංඛ්‍යාවක්ද අදාළ ශ්‍රී ලාංකික පවුල නිදහස් නොකිරීම වෙනුවෙන් සමාජ මාධ්‍ය ඔස්සේ අගමැතිවරයාට දෝෂාරෝපණය කර ඇත.

දිවියන්ට උගුල් අටවන කිසිවෙකුට මින්පසු කිසිදු සමාවක් නොදෙන බවත්, මුවන් ගෝනුන් දඩයම් කරන්නන්ට දණ්ඩ නීති සංග්‍රහයේ උපරිම දඩය ලබාදෙන බවත් වනජීවී ඇමති ආර්. එම්. සී. බී රත්නායක මහතා ප්‍රකාශ කළේය.