රජයේ නිරෝධායන මධ්‍යස්ථාන වල පවතින ඉඩකඩ ඉක්මවා යාම නිසා ඊශ්‍රායාලය ඇතුළු මැදපෙරදිග රටවල සිටින ලාංකිකයින් යළි මෙරටට ගෙන්වා ගැනීම දින නියමයක් නොමැතිව කල් දමා තිබෙනවා.
ඊශ්‍රායාලයේ පිහිටි ශ්‍රී ලංකා තානාපති කාර්යාලය විසින් නිකුත් කර ඇති නිවේදනයක මේ බව සඳහන්ව ඇත.
යළි මෙරටට පැමිණීමේ බලාපොරොත්තුවෙන් ඊශ්‍රායලයේ රැඳී සිටින ලාංකිකයින් වෙත විශේෂ නිවේදනයක් නිකුත් කරමින් තානාපති කාර්යාලය සඳහන් කර ඇත්තේ මෙම මස 30 වෙනිදා සංවිධානය කර තිබු විශේෂ ගුවන් ගමන ද ඒ අනුව දින නියමයක් නොමැතිව කල් දමා ඇති බවයි.
ශක්තිමත් දේශීය ආර්ථිකයක් ගොඩනගනු පිණිස කෘෂි අස්වනු වැඩි කිරීමට කාලය එළැඹ ඇති බව සහ ඒ සම්බන්ධ නව යෝජනා පිළිබඳව, වී හා ධාන්‍ය, කාබනික පොහොර, එළවළු, පළතුරු, මිරිස්, ළූණු හා අර්තාපල් වගා ප්‍රවර්ධනය, බීජ නිෂ්පාදන හා උසස් තාක්ෂණික කෘෂිකර්ම රාජ්‍ය අමාත්‍යාංශයේ ඉදිරි සැලසුම් පිළිබඳව ජනාධිපති ගෝඨාභය රාජපක්ෂ මහතා ඊයේ (24) පස්වරුවේ ජනාධිපති කාර්යාලයේ පැවති සාකච්ඡාවේදී සාකච්ඡාවට ලක්විය.
දුම්බීම නිසා මානසික රෝග ඇතිවන බව මනෝ වෛද්‍ය විශේෂඥ අමිල ඉසුරු මහතා පවසයි.
2006 අංක 27 දරණ දුම්කොළ හා මධ්‍යසාර පිළිබද ජාතික අධිකාරී පණතට අනුව දුම්කොළ අඩංගු විට වර්ග විකිණීම ,ප්‍රදර්ශනය කිරීම සහ මහජනතාවට පෙනෙන සේ දුම්වැටි භාවිතය ශ්‍රී ලංකාව තුළ සපුරා තහනම් බව දුම්කොළ හා මධ්‍යසාර පිළිබද ජාතික අධිකාරීයේ සභාපති, ආචාර්ය , වෛද්‍ය සමාධි රාජපක්ෂ මහතා පවසයි.
ජංගම දුරකථන අංකය වෙනස් කිරීමකින් තොරව දුරකථන සේවා සපයන සමාගම වෙනස් කිරීමට පාරිභෝගිකයන් හට අවස්ථාව ලබාදීමේ වැඩසටහනක් ක‍්‍රියාත්මක කිරීමට විදුලි සංදේශ නියාමන කොමිසම තීරණය කර තිබෙනවා.
පාරිභෝගිකයින්ට අවශ්‍ය වන පරිදි තමන්ගේ ජංගම දුරකථන සඳහා භාවිත කරන සිම් කාඞ්පත වෙනස් කිරීමකින් තොරව සිය සේවා දායකයා පමණක් වෙනස් කිරීමට හැකි වන පරිදි මෙම වැඩසටහන ක‍්‍රියාත්මක කිරීමට නියමිතයි.
ඊට අදාළ මුලික ක‍්‍රියාමාර්ගයන් මේ වන විටත් ආරම්භ කර ඇති බවයි විදුලි සංදේශ නියාමන කොමිෂන් සභාව ”ට්විටර්” සටහනක් තබමින් සඳහන් කර ඇත්තේ.